Ksolok loron Mundiál Feto ne’ebe monu iha loron 08 fulan Marsu tinan 2024.
Loron Mundiál Feto ne’e hanesan momentu importante no espesiál ida para oinsá ita kontinua konsolida luta ba igualidade jéneru, halakon diskriminasaun ba inan feton doben sira, alin feto no Timor oan sira ne’ebe ho kondisaun difisiénsia.
Ambitu komemorasaun loron Mundiál Feto, mai ita hotu komunga ho kompromisu atu promove igualidade jéneru, impoderamentu feto, no Timor oan sira ne’ebe difisiénsia, ita hotu servisu maka’as liu tán, halakon diskriminasaun ba inan feton doben sira, alin feto no Timor oan sira ne’ebe ho kondisaun difisiénsia, promove espasu públiku ne’ebe asesível ba sira hotu, seguru no inkluzivu, esperansa liu hosi ko’operasaun ita hotu nia partisipasaun hosi entidade tomak ita bele hametin liu tán intervensaun no inisiativa sira iha instituisaun hotu-hotu nia laran hodi la husik Timor oan ida iha kotuk.
Esénsia hosi dezenvolvimentu mak ida ne’e, labele tau parte ruma, komponente ruma hosi sosiedade iha kotuk, ita hakarak ita nia esforsu ba dezenvolvimentu ne’e ba povu, ba ema liu-liu ba sira ne’ebe merese hetan atensaun espesiál liután.
Rekuiñese sakrifísiu iha silensiu laran hosi feto Timor-Leste hotu iha loron importante ida ne’e. Iha luta ba liberdade, sira hamrik metin.
Feto reziliente sira-ne’e halo funu ho nonok, hodi oferese sira nia an no isin lolon ba liberdade nasaun ne’e nian.
- Feto mak ita nia is moris.
- Feto mak ita nia Asesora prinsipál moris.
- Feto mak hatudu dalan mai ita kuinese mundu nia furak.
- Feto ita nia Maromak Segundu.
Parabens ba Inan Feton Doben iha Mundu espesiál iha Timor-Leste, Feto forte Nasaun forte.
Viva Inan Feton Doben Timor-Leste i A luta continua.
Hakerek husi Asala Vicente
