Ainaro Lian Orluli- Autoridade protesaun sivíl (APS) liu husi dirésaun nasional prevensaun konflitu komunitaria DNPCC hamutuk ho Plan internasionál realiza kampaña promove dame iha munisipiu Ainaro.tersa-feria-11-10-2022
Realija kampaña promove dame ba estudante ensinu sekundariu jerál fernando la sama, eskola katólika santa maria no eskola pre-sekundariu venancio feraz tekniku vokasional inklui sentru juventude munisípiu Ainaro, ho objektivu hapara komflitu promove paz no dejemvolvimentu.
Reprezentante Vise ministru Interior Sarpo Pinto Rocha dos santos husu foinsae sira atu iha konsensia hahú husi ida-idak nian an rasik hodi reduz konflitu no kontribui ba dezenvolvimentu
“Husu ba DNPCC ho Protesaun Sivil kontinua Servisu hamotuk ho Plan Internasional Nafatin ,Tamba Governu la iha Osan, ho nune’e Mak Governu husu Nafatin Parseiru Sira hotu Mak iha Munisipiu Ainaro atu Servisu hamotuk hodi servi Ita Nia povu no Nasaun Timor-leste, Tamba Ita atu hari Paz no Dame Ita tenki hahu husi Ita Nia an rasik, Familia , Komunidade hotu.” Katak Sarpo Pinto Rocha dos Santos reprezentante Vise ministro
Iha fatin hanesan PU Manager Plan internasionál munisípiu Ainaro, Valentim Magno hateten, Plan Internasionál nafatin iha komitementu hodi sai nafatin kampiaun ba dame liu husi servisu ho komunidade hodi realiza dame iha ida-idak nia knua no nasaun Timor-leste.
“Plan internasional Timor-leste hamotuk ho Parseiru Sira hodi kontinua Komitmento hodi sai Kampiaun ba Dame Liu husi Ami Nia Servisu iha Komunidade Influencia Komunidade, ba Nai Ulun Sira no Inklui Duador Sira hodi kontribui Paz no Dame iha Ita Nia Uma laran, Sociedade no ba Ita Nia Rai Doben Timor-leste”. dehan valentim magno PU Manager plan Ainaro
Alende ne’e reprezentante administradór munisípiu Ainaro, Clementino de Araújo agardese ba ministériu interiór no Plan internasionál tanba organiza kampaña promove dame hodi dezenvolve paz no hakribi violensia iha munisípiu Ainaro
“Apresia ho Ministerio Interior bele Realiza actividade Ida ne’e ,atu Ita bele hanoin hikas Fila fali ba kotuk Invazaun nia laran Tamba Ita Nia inan Feto sira, iha ne’ebé terus, Tamba ne’e Agora dadaun husu ba Feto no labarik Feto tenki envolve an iha actividade hotu, atu bele kontribui paz no dejemvolvimentu iha ita nia rai doben Timor leste”. Reprejentante Administrador Munisipio Enkoraja.
Tuir observasaun Orluli news iha terrenu nota katak atvidade promove dame hala’o iha palku haksolok Ainaro villa estudante no joven sira kaer mos pamflitu ne’ebé hakerek ami Ainaro oan hakarak sai izemplu dame ba iha timor-leste
Iha oportunidade ne’e mós reprezentante vise ministru interiór, akompaña husi reprezenta autoridade munisípiu Ainaro, jerente Plan internasionál, komandante operasaun Pntl munisípiu Ainaro, husik manu ba loro leten hanesan sinal paz no dame.
Jornalista : Sara Lewis
Editor: Orluli news
