Lian Orluli-– Prezidente Autoridade Munisípiu Ainaro Manuela Georgina Carmo Bucar Corte-Real kongratula servisu nain sira ne’ebe hala’o servisu iha loron feriadu
Tanba ne’e nia kontinua husu funsionáriu públiku atu hatudu Disiplina iha oras servisu
Mensajen ne’e hato’o husi Prezidente Autoridade Munisípiu Ainaro iha serimónia isar bandeira premeira semana fulan janeiru 2025 ne’e
” Parabéns ba Policia Nasional Timor-Leste (PNTL), Seguransa Sivil, Bombeirus, Profisional Saúde tanba ita bo’ot sira nia papel importante tebes, maske ema hotu feriadu ita bo’ot sira stand-by nafatin hala’o servisu ho responsabilidade hodi kria paz nó hakmatek iha Munisipiu Ainaro, ba funsionáriu Públiku sira atu hatudu pontualidade nó bem aprejentadu (Ho ita nia hatais), nune’e bele sai ezemplu ne’ebe diak ba komunidade sira, ba kargu sefia nó funsionárius hotu atu kompromete ba ita nia a’an katak ita nu’udar servidor iha Autoridade Munisipiu Ainaro ho responsabilidade ne’ebe mak tula hela ba ita hotu nia kabas ba moris sosiu-Ekonómiku nó tenki halo diferensia ba IX Governi “, Presidente Autoridade Munisipio Ainaro hato’o mensajen ne’e hafoin remata Isar bandeira primeira semana fulan janeiru ne’e.(06/01/2025)
Alende ne’e Diretor Servisu Munisipal Rekursu Humanos Rogerio da Costa hateten disiplina iha instituisaun hotu inportante
“Ema geralmente ita nia disioplina iha instituisaun hotu hotu, ne’e importante tebetebes,servisu hotu presija ita hotu nia kontribuisaun hahú husi superior too iha funsionario, koalia kona-ba ba disiplina la’ós disiplina ida ita ko’alia ba malu, ita nia disiplina vestiariu, Pontualidade, no mós dever ne’ebé tuir instituisaun Funsaun públiku, tenki obedese ne’e importante, tanba ita ko’alia kona ba kontrola jeral ami kontrola servisu Munisípal hotu, entaun Diretores servisu Munisípal no delegasaun Teritorial ida-idak presija kontrola nia funsionariu, tanba ami labele kontrola kada diresaun, avaliasaun dezepeña mós hanesan, diresaun sira mak halo ba nia funsionariu no hare’e ba Pontualidade, preparasaun servisu iha tinan 2023 ita realiza ona sorumutuk ida, realiza husi PAM ba todu funsionariu hodi ko’alia kona-ba disiplina servisu, no vestiariu ho palavra motivasaun ida iha momentu ne’ebá hateten katak, ha’u moe wainhira tarde e ha’u moe wainhira ha’u fila Sedu”. Nia hakotu.
Enkuantu Munisípiu Ainaro, totál funsionáriu hamutuk 256 hahú husi husi Postu Administrativu mai to’o iha Administrasaun Munisípiu Ainaro, maibé la inklui Delegasaun Teritorial
Jornalista:Sara Lewis
Editor Lian Orluli
