Lian Orluli—Asosiasaun Chega! ba ita, sensibiliza informasaun ba Feto sobrivente hamutuk nain 16 husi Postu Tolu Hatu-Udo, Ainaro no Hatu-Huilico iha sede Suco Ainaro Postu Ainaro Villa Munisípiu Ainaro
Celestina de Almeida Staff ba Programa iha intervista hateten atividade ne’e ho objetivu atu fahe informasaun ba feto sobrevivente nune’e sira iha koiñesimentu oinsa asesu ba rai
” ACbit Asosiasaun ne’ebé sai hanesan mos membru rede ba rai ne’ebé servisu barak liu maka tau matan ba feto nia direitu ba rai liuliu inan sobrevivente sira nia direitu husi konflitu pasadu iha rai doben Timor-Leste, ho nune’e objetivu Primeiru husi informasaun ne’e maka haklean sira nia koiñesimentu oinsa asesu direitu ba rai no sai nain ba rai liu’liu inan sobrevivente sira ne’ebé dala-barak hetan diskriminasaun no muda obrigatóriu, objetivu segundu mak buka hatene problema ne’ebe inan sobrevivente sira hasoru liu-liu hanesan iha diskusaun ne’ebe ami rona husi inan feton sira iha Ainaro problema ne’ebe inan sobrevivente sira hasoru maka sira konfuzaun no preokupa tanba agora maske ho situasaun rendimentu la sustentavel maibe sira tenke komesa selu ba fatin ne’ebé sira hela no sira sente triste tanba tenki muda forsadamente husi rai ne’ebeé maka uluk sira dadur, hetan presidasaun barbarak husi invazaun Indonezia halo sira sente katak ema ida la tau matan ba sira ho nune’e intervensaun husi ACbit maka liu husi informasaun ida ne’e bele tulun sira oinsa feto sira forte hodi luta ba direitu rai ne’ebé sira hela no mós sai nain ba rai “. Dehan Celestina Almeida
Sobrevivente Clara Pedro Fernandes husi Suco Mauchiga Postu Hatu -Builico atual hanesan manorin preokupa no lamenta tanba kada fulan tenki selu Taxa ba Governu
” Rai ne’ebe ami hela laos okupa maibe iha situasaun politika estadu nian iha tempu neba maka estadu oferese ba ami hodi hela, lakon familia no lakon laen kaben tan hasoru invazaun kareta lori ba fakar iha Builiko Jakarta 2 ate tinan 1999 Timor deside haketak an husi estadu Indonezia no hau nafatin hela iha ne’e tinan barak nia laran ate agora, ami triste tebes tuir lolos ami laiha direitu selu taxa tamba ho kondisaun agora rendimentu mos la sustentavel oinsa mak ami bele hatan ba kultura no hatan ba ida ne “.Clara haktuir
Sobrevivente ne’e mós husu liu-liu ba parte governu konsidera hodi tau matan ba feto sobrevivente sira hotu liu iha Ainaro
Palmira Ramos, sente orgullu ho prezensa ACbit ne’ebe lori programa Nasional hodi hakle’an komunidade liuliu feto sobrevivente sira nia koiñesementu ba direitu asesu rai iha Ainaro
“Agrdese tebes no orgullo ho prenda ACbit nia programa ne’e belé mai paltrilha BA ami Komunidade sira iha suku Ainaro liu-liu ba ami sira feto sobreviviente no fo konesementu ba diretu asesu Rai nian”, Palmira hakotu
STJ:Hanya, Norvia
Editor: Lian Orluli
