Lian Orluli – Administrador Postu Administrativu Maubisse konvoka enkontro ho Xefe Suku Eleitu no Re-Eleitu, hamutuk ho Liña Sektoriais sira kona-ba preparasaun hodi komemora loron Aniversáriu Proklamasaun Indepedensia Republika Demokrátika de Timor- Leste (RDTL) ba dala 48 iha Postu Administrativu Maubisse Munisípiu Ainaro.
Alem de ida ne’e kolia mós kona-ba Seremonia Tomada de Pose ba Xefe Suku Eleitu no Re-Eleitu, inklui Membrus Konsellu Suku.
Liu husi Enkontru ne’ebé maka halao iha Edefisiu Administrasaun Postu Maubisse ne’e Ba jornalista Orluli liu husi intervista Administrador Postu Maubisse Claudino Mendonça Hateten;
“Ohin Administrador Postu Administrativu Maubisse halao premeira enkontru ho Xefe Suku Eleitu no Re-Eleitu sira kona-ba preparasaun komemorasaun loron Aniversáriu Proklamasaun Indepedensia RDTL ba dala 48, 28 de Novembru 1975-28 de Novembru 2023”. Hateten Claudino ba Jornalista 21/11/2023.
Autoridade másimu Postu Maubisse ne’e kuntinua hateten, preparasaun sira ne’ebé maka kolia hamutuk iha sumrumutuk ida ne’e maka hanesan, iha loron 26 Fulan Novembru Missa Agradesementu hamutuk ho Xefe Suku Eleitu no Re-Eleitu inklui ho Mebrus Konsellu Suku, Loron 27 Missa Agradesmentu ba Komemorasaun Loron Proklamsaun 28 de Novebru ba dala 48 hodi fó Honra no Gloria ba Herois da Patria ne’ebé fó Sira nia Vida ba Luta Libertasaun Nasional, no Ikus iha loron 28 Fulan Novembru kuntinua ho Seremonia dadasa’e Bandeira Nasional hafoin Pose ba Xefe Suku Eleitu no Re-Eleitu, hamutuk ho Membrus Konsellu Suku Suku 9 iha Postu Administrativu Maubisse, husi Vise Ministru Saúde. Dehan Administrador Postu Ba Jornalista Rádiu Komunidade Maubisse Mau-Loko.
“Preparativus sira ne’e maka hanesan sei halo Missa Agrdesementu ida espesial ba Xefe Suku Eleitu no Re-Eleitu sira ho Membrus Konsellu do Suku tomak iha Paroquia Maubisse. Iha dia 27 sei halao mós Missa Agradesementu ba ita nia Herois da Patria ne’ebé durante tinan 24 nia laran sakrifika sira nia vida tomak, maske ohin loron sira la hamutuk ho ita maibe sira rai hela Nasaun ida furak, Nasaun ida Kmanek mai ita hodi kuntinua Dezemvolve Espesial Postu Administrativu Maubisse. Iha dia 28 sei tama ba programa Isar Bandeira depois de ida ne’e sei iha Tomada de Pose Xefe Suku Eleitu no Xefe Suku Re-Eleitu sira. Kolia mós kona-ba depois de Tomada de Pose sei iha Almosu hamutuk ho Komunidade sira, ida ne’e maka asuntu ne’ebé ami kolia hamutuk”. Haktuir Administrador Postu Maubisse.
Tamba ne’e ba Komunidade Postu Administrativu Maubisse nia kuntinua husu: “Aproveita mós biban ne’e hau hakarak apela ba povu tomak iha Postu Maubisse Suku 9, Aldeia 62 atu partesipa másimu iha Seremonia isaraun Bandeira 28 Nasional hodi komemora loron Iependensia ba dala 48 ho Tomada de Posse ba ita nia Xefe Suku Eleitu no Re- Eleitu sira ho Membros konsellu Suku tomak.” Hakotu Administrador Postu Maubisse
Entertantu Surumutuk ida ne’e hetan Partisipasaun masimu husi Xefe Suku Eleitu no Re-Eleitu husi Suku 9 ne’eb’e ejisti iha Postu Administrativu Maubisse Munisípiu Ainaro
Jornalista: Joanina /Marci/Zita
Editór: Moises Magno
