Lian Orluli— Administradór Munisipiu Ainaro(ADMA) Sr. Leovegilgo Amaral Pereira husu ba Funsionariu hotu tenki halo tuir desizaun Governu nian baihira iha mudansa ruma iha administrasaun Munisipiu relasiona ho funsionariu Kazuais sira.
Lia hirak ne’e hatoo husi Administrador Munisipiu AInaro bainhira hato’o nia diskursu iha Serimonia hasa’e Bandeira iha Administrasaun Munispiu Ainaro iha loron Segunda-feira, dia -7 de Augusto 2023 hanesan aktividade regular Governu nian iha semana dahuluk kada fulan.
“Ita hanesan servidor ba Estadu ba nasaun ida ne’e wainhira iha mudansa ruma, hotu-hotu tenki halo tuir, hanesan foin dadauk iha mudansa boot ba iha administrasaun munisipiu liu-liu ba funsionariu kazuais sira, tanba saida? tanba orsamentu la permiti atu ita nia kazuais sira kuntinua servisu”. Hateten Autoridade Masimu ne’e.
Administrador ne’e mos husu ba parte hotu atu simu ba promesa IX Governu Konstitusional ne’e sita ona iha Porgama tinan lima ba oin mai “ Hau hakarak fo hanoin ba hotu-hotu katak promesa ne’ebé Governu halo ita hotu-hotu hakruk hodi simu, tanba iha palku kampanha politik, promesa buat lubuk ida kona ba programa sira ne’e, sei halo programa lubuk ida, kona ba estrada ponte, eletrisidade nomos be’e mos , ida ne’e planu Governu nian atu halao iha tinan 2024 nian”.
Hare ba kondisaun iha Munisipiu Ainaro kompara ho Munisipiu sira seluk, dezemvolvimentu infraestrutura buat barak seidauk diak ka at pior liu.
“ Tanba ne’e husu ba dirasaun hotu-hotu liu-liu ba Be no saneamentu, eletrisidade nomos ba parte obras Públika nian atu hare estrada no ponte sira atu tau iha planu sira prioridades, liu-liu ita hare iha sidade Munisipiu Ainaro mais pior at liu duke ho munisipiu sira seluk, tamba ne’e maka iha kompania ida manan tia projetu ne’e maibe’e to agora sedauk realiza talves orsamnetu maka laiha, ita halo deklarasun deit katak hau nia osan barak iha Banko maibe’e no fim labele halo buat ida, karik la halo Governu mos labele selu “.
Tamba ne’e mak nia husu ba ita nia kompania sira liu-liu familia balun iha ne’e maka funsionariu sira atu hare’e didiak wainhira asina kontratu atu halao projetu, ita hotu-hotu ezizi halao projetu sira ne’e no fim la realiza ita hanoin katak projetu sira ne’e paradu hotu.
Administrador ne’e relata katak iha tinan ida ne’e, “Iha orsamentu retifikativu iha projetu tolu maka sei halao iha fulan 5 nia laran, primeiro rehabilitasaun ba administrasaun Munisipiu, Segundo rehabilitasaun armagen rai hahan ba dezastre nian, Terçeiro halo edefisiu Edukasaun, projetu tolu ne’e maka sei hala’o iha fulan 5 nia laran no mos iha orsamentu balu konaba desastre nian atu fo apoiu ba ita nia komunidade ne’ebe hetan desastre naturais liu-liu ba sira ne’ebé nia uma hetan estragus atu rekopera fali”. Nia hakotu.
Entretantu aktividade serimonia hasa’e Bandeira RDTL ne’e hetan partisipasaun husi Autoridade Seguransa PNTL, Autoridade Prtesaun Civil inklui funsionariu linha Ministeriais iha Munisipiu Ainaro.
Editor : Lian Orluli
