Ainaro Orluli News — Administradór Munisipiu Ainaro Leovegildo Amaral Pereira ho ekipa Administrasaun Munisipio liga ona eleterisidade ba faluk nain ruan Cristina Do Rozário ho nia oan Ana Manuela do Rozário, iha nia rezidensia Kotpere suku Ainaro, postu Ainaro vila. Kuarta (9-11-2023)
Relasiona ho faluk nain rua ne’ebe la asesu ba eletrisidade durante tinan barak Administradór Munsipio AInaro Leovegildo Amaral Pereira hateten, senti triste tebes baihira hare faluk balu sedauk hetan uma UKL inklui mos la asesu ba eletrisidade, tanba ne’e Administradór ho ekipa tun kedas iha terenu hodi fo apoiu ba faluk no kbi’it laek nain rua hodi husu ekipa EDTL.EP liga eletrisidade ba sira nia uma
“ Hau senti triste bainhira hetan informasaun ne’e katak hau nia povu kbi’it laek sira ne’ebé iha vila laran la asesu ba eletrisidade inklui mos vijinho taka dalan ba sira tanba ne’e bainhira atu hakat ba iha estrda sorin faluk Cristina tengki liu husi valeta kuak no kondisaun bee mos sulin halo namadoras, situasaun ne’e fo ameasa tebes ba Manuela ne’ebé nia kondisaun difisiensia hela. Tanba ne’e hau ho ekipa kontaktu EDLT.EP to kedas iha terenu hodi liga eletrisidade ba faluk nain rua ne’e inklui mos apoiu nesesidade bazika ruma ba sira nain rua”. Katak administradór Munisipio Leovegildo Amaral Preira ba jornalista orluli news iha terenu
Alende liga eletrisidade Administraór Munisipio husu ba Administrador postu Nazário de Araújo atu identifika fatin ka rai patremonia estado nian nune’e bele oferese ba faluk nain rua ne’e, hodi bele konstrui uma, liu husi programa PNDS Uma UKL.
“Sira nain rua nia uma sei konstrui iha tinan oin main, agora ne’e sira rua labele hetan tanba verifikasaun liu ona no tinan oin mai sei konstrui uma ba kbi’it laek nian ba sira nain rua ne’e maibe’e ne’e sei iha vila laran”. Adminstradór promete
Hetan ona apoiu husi Administradór munisipio Ainaro faluk Cristina ho nia oan Manuela kontente tebes, tanba sira bele asesu ona eletrisidade iha tempu kalan, no sei la tur nakukun tan.
“ Durante tinan barak nia laran la iha ema ida mak atu apoiu, maibe ohin ho Grasa ne’ebe mak nai maromak haraik mai ami hodi hetan apoiu ai-han no Dada ona Eletrasidade mai ami nain rua nia uma, no agradese boot tebes administradór promete tan sei konstrui uma ba ami nain rua iha vila laran”. Espresa Cristina ho Manuela.
Entretantu Administradór Munisípio Ainaro ho ekipa Administrasaun fo ona apoiu ba faluk Kristina ho nia ona Manuela, liga ona eletrisidade no apou nesesidade bajika nian. no eletrisidade ne’e liga Husi Ekipa tekniku EDTL.EP,
Jornalista : Sarah Lewis/ Uca silva
Editor : Orluli News
