Ainaro Lian Orluli-17-08-2022- Administradór Munisípiu Ainaro Leovegildo Amaral Pereira Lamenta Ho Membru Polísia Munisipiu Ainaro Ne’ebé Mak La Foti Asaun Ruma Hasoru Sidadaun Balun Hasai Liafuan Ladún Di’ak Hasoru Autoridade Munisipal
Lamentsaun Ne’e Administradór Munisípiu Ainaro Leovegildo Amaral Pereira hato’o tersa feira ne’e bainhira tuun iha terrenu atu halo negosiasaun ho sidadaun balun ne’ebé tenta impede ekipa Ministériu Obras Públika foti sampel rai molok hari Edifisiu Edukasun iha Ainaro vila
Maibé autoridade Munisipal ne’ebé hetan fali trata deskonfia ho liafiaun deskonfia tolok maibé membru PNTL ne’ebé hala’o seguransa la foti asaun ruma
Administradór Munisípiu Ainaro ne’e promete sei hatoo karta ba komando PNTL munisípiu Ainaro atu foti medida ruma hasoru nia membru sira
“Hau triste oituan husi parte siguransa PNTL nian ne’ebe mai halo seguransa iha ne’e baihira ami hetan asaun husi komunidade hasai liafuanm maldade hodi tolok ami aotoridade sira, parte seguransa la halo asaun ruma, tamba ne’e hau la menta tebes no hau sei halo karta ida ba iha komando PNTL Munisipio”. Dehan Administradór munisípiu Ainaro Leovegildo Amaral Pereira ba jornalista iha fatin akontesementu
komandante PNTL munisípiu Ainaro superintendente justino menezes husu ba autoridade husi sidadaun sira tenki respeitu autoridade munisipiu tamba nia Estadu no Governu nia liman ain hodi tau matan ba povu tomak iha Munisipiu Ainaro
Komandante ne’e husu mós ba administradór munisipiu refere atu hato’o mós keisa ba iha komandu PNTL Ainaro hodi bele hatene lolos akontesimentu iha terrenu
Komandante PNTL Ainaro ne’e mós husu ba komunidade atu respeitu ba autoridade Munisipal tamba Administrador núdar aman ba iha Munisipiu Ainaro hodi tau matan ba servisu Administrasaun Munisipal no ba povu iha Ainaro
Editor: lian orluli
