Lian Orluli—Tuir Administradòr Postu Administrativu Hato-udo Rojalino Soares Mendes dehan, serimònia ba Komemorasaun 28 Novemberu ne’e ba Postu Hato-udo la’os buat foun maibe hanesan bain-bain kada tinan selebra, alende ne’e administradòr nia parte mo’os hateten, iha serimònia ne’e sei fo mos pose ba xefe suku eleito sira hodi hala’o knar hanesan lideransa suku
“Husu ba komunidade sira bele mai partisipa màsimu iha dia 28 de Novembero atu ita hanoin hikas fila fali no relembra ita nia maun alin sira ne’ebe mak liu ona ba hodi konkista independensia ida ne’e sai hanesan historia ba povo Hato-udo no ba iha Timor oan tomak, lori Autoridade postu Hato-udo nia naran atu konvida komunidade postu Hato-udo Iha loron 28 de Novembero husu ita hotu nia prezensa importante tebes atu nune’e ita bele komemora loron 28 de novembero hodi hanoin hikas ita nia data historia nasional ida ne’e nian“. Dehan Autoridade Postu ne’e, tersa(21/11/2023).
Autoridade Postu ne’e hatutan, komemorasaun loron 28 de Novembero nian ne’ebe mak sei komemora iha loron Nasionál sei pose ba xefe suku eleitu nain rua 2
“Ami Hato-udo iha suku 2 deit, iha suku 2 ne’e eleitu ida husi suku Foho Ai-lico no ida seluk Leo-Lima, iha sermonia ne’e delegadu no delegada sira sei hetan pose ho nia xefe Aldeia 10 ho delegada, delegadu ne’ebe maka eleitu iha dia 13, iha loron 28 nee,” dehan AD Postu Hato-udo
Nia dehan tan “konfiansa ne’ebé maka povu depozita ba sira automatikamente hodi kria páz estabilidade iha suku laran ne’e liu-liu kopera hamutuk ho postu administrativu ida ne’e atu kria estabelidade naton nune’e moos bele servi povu ne’ebe depozita ona sira nia komfiansa iha dia 13 ne’e,” nia hakotu
STJ: Lina
