Ainaro Lian Orluli – Rejidente Agustina Mendonsa, husi postu administrativu Maubisse toba deit iha koridór Notáriadu durante loron rua hodi hein trata Sertidaun RDTL
“Ami hakarak trata dokumentu ho urgenti tenki toba deit iha varanda Notáriado nian nune’e bele hetan dokumentu lais, no ami toba loron rua ona iha fatin ne’e maibe’e sedauk hatama ami dokumnetus sira tanba ema barak tenki forma, hau senti triste tebes tanba ami lao dook husi postu Maubisse, no ami labele fila kedas tanba osan atu selu transporte hotu deit iha dalan, ” Agustina dehan, tersa feira (7/2/23)
Rejidente Cesário Conjaga husi postu Hato-udo hato’o mos lamentasaun tanba atendementu trade no sira tenki ba mai postu hodi bele hetan dokumentus
“ Hau triste tebes wainhira hau lao husi dook postu Hato-udu to mai iha ne’e tan deit atu trata hau nia dokumnetus sira hanesan sertidaun RDTL no BI maibe’e to ona oras meudia hanesan ne’e sedauk hatama ami nia dokumentus, tanba ne’e hau pesoal la satisfas ho atendementu servisu notáridau munisipiu Ainaro nian,” rejidense Cesário Hateten
Nune’e rejidente Agustina ho Cesário husu ba Governu liu husi Ministério Justisa atu tau ekipa iha Posto administrativo sira hodi atende ba komunidade ne’ebé iha area rurais.
Ba preokupasaun sidadaun nian, Diretòr Ministèriu Justísa Munisípiu Ainaro Joanico da Silva, hateten iha diresaun konservatório Registu Notáriadu munisípiu Ainaro, hala’o atendementu públiku ba sidadaun sira liu husi dukumentus registu sivíl Sertidaun RDTL, Sertidaun kaben, Sertidaun Obitu, Registu Kriminál , Bilete de Identidade no mos Pasaporte tuir Horariu Nasional ne’ebe maka fo sai ona
“ Tuir horario nasional nia hahú iha Segunda to’o tersa Sertidadun RDTL, Sertidaun Kaben , Sertidaun Óbito , iha kinta no sexta Sertifikadu Registu kriminál no Bilete de Identidade no Pasaporte Comun trata iha Segunda to’o sexta , maibé sidadaun balun hein to’o loron rua ka tolu tanba mai la tuir horariu ne’ebé mak fó sai , no balun lori dukumentus la kompletu, tanba ne’e maka difikulta sira balun toba hein deit iha koridor ne’e, no ami la autorija sidadaun sira toba hein iha ne’e, no iha ne’e servisu Notariadu nian husi parte atendemnetu sedauk husik liu sidadun balun hakarak mai trata dokumnetus ami atende hotu, no dalaruma funsionariu sira servisu ho fuan boot hodi atende sidadaun sira ne’ebe mai trata dokumentu liu tia oras servisu’’,diretór Notariadu munisípiu Ainaro dehan
Enkuantu iha Ministrio Justisa Munisipiu Ainaro ho nia funsionariu parmanente hamotuk nain 6, kontratadu nain 2, no Funsionáriu nain 2 maka besik reformadu ona.
Editór : Lian Orluli
