Ainaro Lian Orluli—kuarta feira ne’e akontes insendio iha suku soro postu Ainaro vila rejulta uma ida ahi han, tanba kauja husi sunu lilin iha oratoriu rejulta sasan uma laran inklui dokumentus sira ahi han motuk no la konsege salva.
Tuir kronologia husi familia vitima José Do Rego Piaun haktuir: relasiona ho selebrasaun loron matebian nian familia sira ba hotu misa iha simiterio Públiku, iha oras meudia mais ou menus 13: 30 simu telefone ahi han uma, no iha insendio ne’e sasan uma laran la konsege salva hotu.
“ Hau la espera atu akontese hanesan ne’e, ami ba hotu misa iha simiterio públiku tamba loron matebian nian, iha oras 13 : 30 hau simu telefone husi vijinho katak uma ahi han, hau fila husi rate hare uma kondisaun ahi han hela no hau la hatene nia impaktu husi ne’ebé tanba antes ne’e hau atu sai lilin sira hau hamate hotu inklui eletrisidade”. Haktuir uma nain José ba jornalista orluli iha fatin akontesementu.
Iha fatin hanesan komandante Seksaun protesaun Civil Bombeirus Julio Silva Castilo informa akomtese ahi han uma husi Bonbeirus simu telefone iha oras mais ou menus oras 13 :30, hafoin ekipa to kedas fatin akontesmentu hodi hamate ahi.
“Deskomfia familia vitima sunu lilin iha oratoriu hodi akontese ahi han uma, no ekipa simu informasaun iha oras 13 : 30, ekipa Bombeirus to kedas iha fatin hodi hamate ahi maibe’e sasan uma laran la konsege salva, husi akomtese insendio ne’e la rujta ema kanek no mate”. Katak Komandante seksaun Julio Silva
Entertantu husi akontese insendiu ne’e jornalista orluli nota iha terenu la rejulta ema kanek no mate maibe sasan uma laran la konsege salva, no dadau ne’e husi familia vitima sedauk hetan apoiu emergensia ruma.
Editor : Orluli news
