Lian Orluli-26-07-2022– Munisípiu Ainaro fuma tabakua segundu lugar iha Timor Leste mane 88/8% no feto Ainaro fuma tabaku ho 5,2%. Iha Timor-Leste.
Bazeia ba númeru refere mak Aliansa Nasionál Tabaku Timor-Leste, ihaTersa (26/07/22), hala’o sosializasaun ba estudante Ensino Báziku Venancio Fras Ainaro no juventudesira ho objetivu oinsá bele hasae sira nia koñesimentu bele hala’o prevensaun ba fuma tabaku reforsa lei kontrolu taabaku iha iha Munisípiu Ainaro.
“Ita hatene tuir demografia survey saúde munisípiu Ainaro hanesan munisípiu ne’ebé fuma dor ssegundu iha Timor 88,8% ba mane sira no ba feto siraa’as terseru iha Timor 5,2%”. Esplika Diretór Ezekutivu Aliansa Nasionál Kontrolu Taba kuiha Timor-Leste Diretór Ezekutivu Aliansa Nasionál Kontrolu Tabaku Timor-Leste, Sancho Fernandes, iha Administrasaun municipal Ainaro.
Iha fatin hanesan Xefe Gabinete Administrsaun municipal Ainaro ninian Bernardo Barros pereira, fó sasin katak, nia hare’e estudante balun hala’o movimentasaun fuma iha estrada públiku.
“Dala barak ha’u hare alin sira iha Estrada, maske sira ho nivel eskola pre-sekundária maibé sira fuma. Ha’u fiar katak ho sorumutuk ida ne’e alin no oan sira bele komprende ona impaktu husi fuma tabaku ne’e saida. Hanesan ita hatene impaktu husi fuma tabaku prevene ona iha dekretu lei númeru 14/2016, ne’ebé ohin ita nia orador sira fahe ona”,dehan Bernardo da Silva.
Nune’e mós Beatris de Araújo, núdar juventude munisipiu Ainaro oan, konsidera sosializasaun prevensaun tabaku husi Aliansa Nasionál Tabaku Timor-Leste, importante ba komunidade atu bele redus fuma iha munisípiu refere.
“Ha’u apresia ho aktividade sosializasaun ida ne’e tamba joven barak mak konsumu alcohol no fuma tabaku,maibé sira la hatene konsekuensia ka impaktu nengativu ne’emak saida, espera informasaun ne’ebé ami rona husi dirtór ezekutivu oinsá atu halo prevensaun ba iha fuma tabaku”,dehanBeatris de Araújo.
Enkuantu tuir ajenda aktividade sosializasaun ne’ebé hala’o husi Aliansa Nasionál Tabaku Timor-Leste, sei kontinua hala’o iha Postu Administrátivu Hato-Udo iha Kuarta (27/07/22).
Editor: Lian Orluli
