Lian Orluli- 27-06-2022- Administradór Munsípiu Ainaro, Leovegildo Amaral Pereira, informa relasiona ho selebrasaun loron istóriku 28 de Novembru iha tinan ne’e munisípiu Ainaro preparadu atu komemora loron nasional ne’e.
Leovigildo hatoo asuntu ne’e ba jornalista Lian Orluli iha nia kna’ar fatin administrasaun munisipal Ainaro, segunda (27/06/2022), katak kona-ba preprasaun ba komemorasaun loron proklamasaun 28 de Novembru iha munisípiu Ainaro preparadu hein de’it loron hodi selebra.
“Ha’u hakarak informa de’it ba Públiku katak preparasaun ba 28 de Novembru iha Munsipiu Ainaro too agora dadaun iha ona faze preparasaun ba dezeñu no BoQ (Bill of Quantity) ba fatin serimonia no segundo hau koalia ona ho Ministru Estatál atu prepara dudu ona rai ba fatin ne’ebé atu halo serimonia”. dehan prezidente Autoridade iha nia kanra fatin ba jornalista Lian Orluli.
Maibé Administrador ne’e hatutan katak, kona-ba oinsa atu prepara no hadia fatin ba serimonia ne’e presiza orsamentu no koordenasaun ho kompañia hirak iha munisípiu Ainaro atu ateru rai ne’e hodi nune’e bele uza
“ MAE dehan katak iha orsamentu US$ 10, 000.00 para atu prepara kompania ida atu dudu rai ne’ bazeia ba BoQ ne’ eb’e prepara husi Nasional mak halo maibe ita fasilita deit fatin, fatin ne’ e iha problema maibe rai estado nian”. nia deklara.
Adminitrador ne’e hato’ o mos katak kona-ba estrada ba fatin serimonia, nia mos koordena no hatoo ona proposta ba Obras Pubklikas oinsá atu normaliza kampu serimonia hahú husi BNCTL nian too fatin selebrasaun kuaze kilomtru 1.
“ Estrada husi BNCTL mai too fatin serimonia, parese kilo 1 de’it iha parete seluk hau koalia ho Vice Ministro Obras Publika iha fulan hirak liu ba dehan katak atu fornese mai Munisipiu 20 Kilometro ba alkatraun, maibé ne’e sei iha duvida, más proposta ha’u hatama hotu ona, maibé seidauk rona resposta ruma husi Vise-Ministru Obras Publika, Eng. Nicolau Lino Freitas Belo” tenik nia.
Entretantu Serimonia atu komemora loron 28 de Novembru ne’e halo rotasaun ba kada Munisipiu dezde tinan hirak ba kotuk no iha tinan ida ne’e munisipiu Ainaro mak sei sai uma nain atu organiza selebrasaun loron Nasional refere ne’ ebé sei lokaliza iha Suku Ainaro, Posto Ainaro vila.
Editor: Lian Orlul
