Lian orluli- 15-06-2022- Koordenador HIV-SIDA Munisípiu Ainaro, Antonio Menezes informa, hahú husi tinan 2003 too 2022, Ainaro rejista kazu HIV-SIDA hamutuk pasiente 22, husi dadus ne’e ema nain 7 lakon vida.
“Husi 22 pessoas ne’e nain 7 mate ona no nain 8 oras ne’e da-dun halo hela tramentu iha hospital referral Maubessi no 7 seluk halo tramentu iha Munisipiu seluk,’’ katak koordenador HIV-SIDA munisípiu Ainaro ba lian orluli iha nia kna’ar fatin DHS Munisipio Ainaro, kuarta (15/06/22).
Antonio relata katak, pasientes ne’ebe hetan moras HIV-SIDA ne’e kompostu husi idade produtivu, kazadu inklui mos idade avansadu balun.
“ pasiente ne’ebe maka hetan moras ho idadae produtivu nomos sira ne’ebe maka kazais inklui mos ho idade avansadu maka afeita moras refere, sira ne’e oras ne’e dadaun hala’o tratamentu,’’tenik Antonio.
Iha 2022 hahu husi fulan Janeiru too Junu, Ainaro detekta tan pasiente nain 1 pozitivu HIV-SIDA da-daun ne’e halo tratamentu iha Hospital Referal Maubessi, no pasiente nain 7 nebe’e halo tratamentu iha munisipo sira seluk kuaze deteta husi Sentro saude Ainaro.
‘’Agora da-daun halo kontrola ba sira no tratamentu ativu hela no moras refere sei la hetan kurativu, maibé so hala’o kontrola ho Aimoruk atu nue’e sira bele hetan vida naruk, no sira ne’ebe mate tamba la kumpri,’’ dehan koordenador HIV-SIDA munisípiu Ainaro ne’e.
Editor: Lian orluli
