Lian orluli 15-07-2022- Administrasaun Munisipio Ainaro selebra loron funsaun públika ba dala 8 ho misa agradesimentu, tamba orsamentu la sufusiente, hodi selebra aktvidade bo’ot.
Aktividade selebrasaun ne’e halao iha Igreja Parokia Santa Maria Ainaro, ne’ebé partisipa Administrador Munisipiu Ainaro Leovegildo Amaral Pereira ho diretores liña ministeriais nomos Komandu PNTL Munisipiu Ainaro.
“Aktividade seluk ha’u hanoin laiha tamba orsamentu, funsionario husi liñas sektorais sira apoiu ho kontribuisaun atu hala’o sermonia ho aktividades balun maibé ita la konsege realija tamba ho orsamentu ne,ebé la sufienti, no osan iha deit $ 1000 ne’e labele halo buat ida”. Esplika Administradór Munisipiu Ainaro, Leovegildo Amaral Pereira, ba jornalista Sesta (15/07/22) iha Igreja Santa Maria Ainaro.
Iha sorin seluk Diretór Jestaun Merkado e Turismu, Clementino De Araujo, hateten, hanesan funsionario Publiku senti kontenti Komisaun Funsaun Publiko, maske la iha aktividades, maibe selebra de’it ho missa agradesementu.
“ Ha’u nudar funsionariu públiku ida senti kontente selebra loron Funsaun Publika, maske la iha aktividade bo’ot ruma hodi anima komunidade Ainaro”,dehan Clementino De Araújo.
Hafoin misa remata halao prosesaun husi Igreja Paroquia Santa Maria Ainaro ba simetériu hodi tau aifunan iha kruz bo’ot.
Editor: Lian Orluli
