Lian orluli- 03/06/2022- Administrador Postu Ainaro-vila Nazário de Araujo, informa ba da-daun iha munisipio Ainaro mobiliza joven arte marsial no rituais hamutuk ho linas sektoral hotu hala’o hela atividade preparasaun hodi selebra loron 28.
“aktividade ba loron ohin halo limpeja jeral iha fatin ne’ebe maka deside ona hodi selebra loron aniversario 28 novembru ne’ebe sei selebra iha Ainaro, limpeza ne’e preparasaun ba faze primeiru nian”. Dehan Nazàrio ba jornalista iha limpeza fatin
Nazário afirma, haree ba kondisaun fatin la permite liu-liu iha imfra-estruktura bázika sira hanesan estrada kondisaun ladun diak iha parte Ainaro vila nian, maibe tamba desizaun ona husi nasional tenke simu.
‘’Ita mos sei la la’o mesak, governu Nasional ita sei tenta beibeik hodi bele fo apoiu ita antes atu tama ba selebrasaun loron bo’ot ne’e, no agora dadaun ita mos sai hanesan preoridade ida bele hadia dadauk balun, preparasaun ba fatin Guest House hodi simu bainaka ita sei servisu hamotuk ho MCI agora dadaun komesa hatama ona pedido proposta ba iha Nasional hodi identifika ba fatin ne’ebe maka antes ne’e sai hanesan Guest House, no ba uma balu ne’ebe sedauk bele hatama ona proposta hodi bele hadia sira nia fatin atu nune’e hodi hein selebrasaun ida ne’e”. hatutan nia
Entretantu hala’o limpeja ba fatin ne’e sekretaria Munisipi Ainaro, Jose de Arujo hasai karta orientasaun ba Linas sektoriais no Arte marsiais inklui rituias sira, hodi halao limpeza ba fatin refere iha kampo kamilaran suku Ainaro vila.
Editor : lian orluli
