Lian Orluli—Asosiasaun Jornalista Timor-Lorosa’e (AJTL)kontinua Fasilita formasaun Reportagen Demokrasia Eleitoral ba jornalista membru AJTL, hodi hasa’e koinesimentu prepara ba eleisau tinan 2023.
Iha formasaun ne’e atu kapasita no eleva konesmentu jornalista radio komunidade husi Munisipio sira no jornalista membru AJTL Inklui Media online sira atu prepara a’an ho diak bainhira iha eleisaun parlamentar mai bele kobre notisia ne’ebe akurat, balansu no credivel ho demokrasia
Nune’e iha abertura ba formasaun liu husi deskursu , Prezidenti Konsellu Imprensa (KI), Virgilio da Silva, hatete, Jornalista sira bele muda sosiedade liu husi publikasaun informasaun sira ne’ebé mak akurasi, balnsu no kredivel ba sosiedade, tanba ne’e media sira tenki independente tan media nia papel atu hasai sosiedade husi injustisa.
Prezidenti KI mos fiar katak feto Timor Leste sei sai Jornalista barak liu mane sira hodi bele halo kritaka iha asuntu politiku, nia mos apresia ho Koperasaun entre UNDP no AJTL hodi kontribui ba kapasitasaun atu hasa’e Jornalista sira nia kapasidade iha area kobertura liu liu konaba kampaña eleitoral ninian.
“ha’u fiar katak feto Timor Leste mak sai Jornalista barak liu mane atu nune’e bele halo kritika makas ba asuntu politika, mesmu la sai hanesan jornalista Najua husi indonesia maibe bele foti ejemplu husi mana Jivonia”. katak pezidente KI
Alende de ne’e Prezidenti KI mos fo nia apresiasaun ba Koperasaun entre UNDP ho oranizasaun sira hanesan AJTL hodi kotribui maka’as ba kapasita Jornalista sira.
“KI hakarak hato’o apresiasaun ba koperasaun UNDP ne’ebé kontribui makas tebes ba KI no mos Organizasaun sira seluk, AJTL kontinua kapasita Jornalista sira iha area kobertura oi oin liu liu iha kampaña eleitoral nian”. hatutan Prezidenti Konsellu Imprensa, Virgilio da Silva, iha nia intervensaun
Iha fatin hanesan Tito Da Costa, Xefe Projetu Eleisaun Reziliente COVID (CORE-TL) UNDP nian hatutan tan katak, Hofoin susesu husi semináriu verifikasaun faktu no notisia falsu (fake news) ne’ebé hala’o semana rua liuba, Asosiasaun Jornalista Timor leste (AJTL) no UNDP kopera dala ida tan hodi hala’o semináriu kona-ba demokrasia no kobertura eleitoral ba jornalista sira husi nasoun laran hodi evita desinformasaun no notisia falsu durante siklu eleitoral 2023.
“Knar komunikasaun sosial nian esensial tebes atu asegura sidadaun sira halo desizaun ne’ebé konsiente liu bainhira partisipa iha eleisaun hodi asegura asesu ba informasaun ne’ebé loos no klaru. AJTL organizasaun ida-ne ebé koñesidu iha nasaun ne’e ne’ebé fornese kapasitasaun ba jornalista Timor-Leste sira ba dekade rua resin ona, nu’udar aliansa xave ida hodi alkansa ita-nia objetivu atu hala’o relatóriu ne’ebé responsisvu no etiku ne’ebé kontribui ba konstrusaun demokrasia iha Timor-Leste,” tenik Xefe Projetu Eleisaun Reziliente COVID (CORE-TL) UNDP, Tito Da Costa iha nia deskursu.
Nune’e mos Reprezentante Embaixada Japaun iha Timor-Leste, hateten Treinamentu ne’e hanesan parte ida husi atividade sira ne’ebé implementa husi Projetu UNDP CORE-TL ne’ebé finansia husi Governu Japaun, atu hari kapasidade jornalista sira-nian iha relatóriu politiku no eleitoral durante siklu eleitorál hodi asegura foti desizaun informadu no seguransa COVID nian. Ba informasaun kompletu liu tan, bele konfirma ho Official Specialista Komunikasaun UNDP CORE-TL nian.
“Eleisaun Reziliente COVID iha Timor-Leste, inklui apoiu finanseiru ba atividade nee, konsidera katak inisiativa ida-ne’e esensial tebes tanba Deformasaun no notisia falsu sai nuudar ameasa boot ba eleisaun demokratiku sira. Servisu kona-ba halakon informasaun ne’ebé la la’ós no notisia falsu nu’udar rekizitu ida-ne’ebé importante liu ba eleisaun ne’ebé ida nia susesu”. Esplikasaun husi Daishin Sasaki esplika iha nia deskursu.
Formasaun ne’e realiza tanba united Nation Develoment Progrmme (UNDP) iha nia Projetu Eleisaun Reziliente COVID (CORE-TL) ne’ebé serivsu hamutuk ho (AJTL) hodi hala’o treinamentu kona-ba demokrasia no relatóriu eleisaun ba profisionál komunikasaun foin-sa’e sira hodi promove demokrasia no kombate informasaun ne’ebé la loos iha eleisaun.
Terinamentu ne’e hala’o iha Dili hahu husi loron 18 to’o 20 Outubru iha sala reuniaun Cruz Vermelha Timor-Leste (CVTL), Partisipa iha serimónia abertura ne’e reprezentante husi UNDP, Embaixada Japaun, AJTL, Konsellu Imprensa Nasional no reperejentante Sekretariadu Estadu Komunikasaun Sosial. Partisipasaun masimu ba formasaun ne’e jornalista husi radio Komunidade sira husi 13 munispio inklui média online sira.
Jornalista : Clementina Fátima
Editor : Orluli News
