Ainaro Lian Orluli-18-08-2022- Asosiasaun Chega ba ita (Akbit) servisu hamotuk Hivos No Fokupers halao formasaun ba inan sobervivente masakre 1982 Mao-chiga, Dare, Hato-udo Munisipio Ainaro
Ba jornalista Lian Orluli Kordendor projetu Gusi Asosiasaun Chega ba ita, Silveiro da Silva informa, Chega dejamina formasaun ba feto sobrevivente masakre 1982 Mao-chiga, Dare no feto negosiante lokal iha Ainaro ho objektivu halibur sira hamotuk hodi fahe esperiensia ba malu hodi kapasita no eleva sira nia konhesementu liu husi formasaun koperativa nian ne’ebe prepara ona husi chega.
“aktividade ne’e iha seminar, bajar no mos aprejentasaun filme badak ba inan sobrevivente sira ho nia objektivu atu kapasita sira nia kapasidade iha sektor oin-oin atu nune’e inan feto sobrivivente no feto negosiante lokal hodi bele lori sira nia produtu sira ba iha era global nian. alende ne’e halibur sira hamotuk hodi bele fahe sira nia esperiensia ba malu no aprende ba malu no mos bele asesu ba malu liu husi ita nia institisaun governu ne’ebe maka prejensa iha ne’e hodi fahe informasaun no kona ba habilidade moris husi Mikro impreja ba iha inan feton sobre vivente sira, no iha formasaun ida ne’e ami mos faselita kona ba jestaun ba negosio no jestaun finaseiru atu oinsa bele hasae sira nia koinnesementu kona ba jestaun nian”. Dehan kordenador chega ne’e
Iha sorin seluk reprejentante sobrevivente Ainaro Palmira Ramos espresa nia hanoin kona ba oinsa bele kapasita feto maluk ne’ebe iha area rural liu inan sira ne’ebe sobrevivente sira inklui mos inan negosiante sira
“ Hau husu ba inan sobrevivente masakre 1982 vitima Maochiga, Dare Ainaro no feto maluk ne’ebe partisipa iha ne’e atu fahe esperensia oituan oinsa ita bele hamirik husi toba fatin ne’ebe nakonu ho nakukun, ita presija atu hafanu ita nia a’an liu husi promove kultura no produtu lokal rai laran ne’ebe maka ita iha nune’e hatu ita nia kreativu orijin ita nian ba publiku, liu husi Chega bele haforsa lno suporta ita”. Hakotu reprejentante sobrevivente Palmira Ramos
Enkuantu jornalista lian orluli observa aktividade ne’e iha feira, seminario, no hadutu filmajen badak ne’ebe prepara husi Chega aktividade ne’e abertura direta husi skretario Munisipio Ainaro José de Araújo, reprejentante Comandante PNTL Ainaro, partisipante masimu husi sobrevivente 1982 suku mauchiga, Ainaro No Hato-udo, aktividade ne’e halao perante loron ida iha salaun Administrasaun Munisipio Ainaro.
Editor: Lian Orluli
