Lian Orlului — Negosiu ka Bisnis mak sai dalan diak ba Povu ki’ik sira ne’ebé laiha servisu iha kantor no aktividade seluk no sai alternansia atu hetan osan hodi sustenta nesesidade loron-loron nian.
Situasaun ne’e mak akontese ba Negòsiante Inan Maria da Costa ho idade 32, Fa’an Obralan (OB) ropa no sàpatu iha uma iha area Lugatu, Suku Ainaro, Postu Administrativu Ainaro, Munisipiu Ainaro, nia halo negosiu ne’e hodi Sùstenta Famìlia ìnklui mòs selu Oan sira nia eskola.
Ba Lian Orluli, Negòsiante Maria da Costa hateten, nia fa’an roupa Obralan no mos Sàpatu durante tinan hat ona no iha loron-loron ema bele sòsa $ 20.00, maibè iha loron Merkadu ema bele sòsa $ 40.00.
“ Roupa Obralan ne’e ha’u fa’an, kleur ona kùaze tinan 4 nia laran, no ha’u fa’an mak hanesan Sàpatu $ 3.50, kalsa $2.50, faru $ 1.50, vestidu $ 2.00, sòsa $ 3.50, Jàket $ 2.00, maibé Sàsan sira ne’e hamutuk, maka loron ida sòsa na’in sira bele sòsa hamutuk osàn $ 20.00, ne’e tanbà ha’u fa’an de’it iha uma, mak hanesan iha loron sabado no domingo ema sòsa na’in sira bele sòsa to’o $ 25.00 ou $ 40.00, no iha tempu a’at, ema la sòsa liu, ha’u nia roupa” Negòsiante Maria da Costa hateten iha loron 16 fulan Augusto tinan 2023 iha nia rezidensia.
Alènde ne’e Maria mos hatutan tan liu husi fa’an obralan ida’ne’e osan ne’ebe mak nia hetan hodi kompleta nesesidade uma laran, inklui mòs selu oan sira ba eskola.
“Liu husi fa’an roupa no sàpatu , ema sòsa, osan isin-lolon ha’u bele tau hamutuk hodi ba sosa fila fali nune’e kontinua fa’an nafatin no mos osan balun ha’u hodi sòsa sàsan ne’ebè mak ami presiza, inklui mòs hodi selu oan sira nia eskola, tanba agora dadaun ema barak mak eskola, entaun ha’u mòs hakarak ha’u nia oan sira eskola hanesan ema seluk nian” Inan Maria Hatutan
Entertantu kondisaun Merkadu iha Munisipiu Ainaro nia ladun permite, liu-liu espesu no area merkadu nian ne’ebé la favoravel ba negosiante sira nune’e mak halo negosiante barak mak ho inisiativa halo deit negosiu iha sira nia uma inklui inan Maria da Costa deside sala ruma faan deit iha uma, Negosiante ne’e iha oan nain 6 inklui Mane 2 Feto 4.
Jornalista : Elezita de Araùjo
Editor : Lian Orluli
