Lian Orluli — Ministériu Juventude no Desportu Arte no Kultura hamutuk ho Autoridade Munisipiu Ainaro Ensera ona Jogu komunitária ne’ebe hahú iha loron 27 fulan agostu tinan 2024 hodi selebra loron konsulta popular 30 agostu ne’ebé selebra iha fulan ida ba kotuk no atividade jogu ne’e tuir durasaun remata iha loron 17 fulan setembru tinan 2024, rezultadu husi jogu finais, klubu konsellu Juventude Munisípiu Ainaro manan ho 2-0 PNTL zero
Hafoin termina Jogu, Autoridade Ainaro no Diretúr Jerál desportu husi Ministériu Juventude Desportu Arte Kultura, João Rodrigues, inklui Prezidente CDTL munisipiu Ainaro Marcelino Mendonça, distribui osan no premiu ba manan na’in sira. Hahú husi modalidade, futebool, volibool feto no mane, halai taru, nata berlindus no dada tali.
Tanba ne’e Prezidente Autoridade Munisípiu Ainaro, Manuela Georgina Bucar Corte-Real, nia parte agradese ba MJDAK ne’ebé apoiu ona fundu rihun neen resin hodi realiza jogu komunitária ne’e hodi anima povu munisipiu Ainaro iha Ainaro
“Hakarak agrdese ba MJDAC ne’ebé fo apoiu finanseira ho montante ida naton para ita selebra loron 30 de agostus, maibé jogu komunitariu ne’e ohin maka ita foin taka, no fahe premiu ba manan nain sira” dehan Prezidente Autoridade Munisípiu Ainaro, Manuela Georgina Bucar Corte-Real, (17/09/2024)
Iha okaziaun ne’e Diretúr jerál desportu husi Ministériu Juventude Desportu Arte kultura, João Roodrigues usu joven sira atu kontinua treinu maiske jogu ne remata maibe sei iha jogu dedportivu sub-16 iha Díli, ne’ebé sei envolve pais CPLP
“Tinan oin ita iha festival ba desportu, ne’ebé agora dadaun ita halo selesaun ba jogu volibool no basketbool ba feto no mane ba tinan oin, mais antes ne’e sei halo preparasaun sé maka hetan kampiun sei ba joga iha Dili, tanba tinan oin Timor leste sei sai uma nain ba jogu CPLP”, Diretúr Jerál Desportu Husi Mjdak João Roodrigues Dehan
Nune’e Prezidente komisaun organizadora desportu komunitária Ercio da Conceição, husu Governu atu halo manutensaun ba kampu desportivu sira iha Ainaro, atu nune’e jogu komunitária sira ne’ebé hala’o iha Ainaro bele la’o ho di’ak no labele hamosu preokupasaun jogador sira.
“Iha rekomendasaun lubuk ida maka hau hato’o direta ba ita nia exselesia sira ne’ebe maka partisipa iha enseramentu ida ne’e, primeiru maka hare ba situasaun kampo futebool nian nebe’e kondisaun grave no laiha kampo Volibool nian laiha, maibe’e atu dehan antes ne’e iha tanba iha problema ida rua hodi halakon tia kampo volibool ne’e, maibe’e ne’e laos kompetensia ami nian, hanesan rekomendasaun ida ba autoridadae sira presija atensaun mos ba problema hirak ne’e” Prezidente Komisaun Organizadora jogu desportu komunitária Ercio Da Conceição, rekomenda
Jogu komunitária ne’ebé realiza iha Ainaro, ho modalidade futebool, envolve klubu husi postu Ainaro, Maubessi, Hato-builico inklui postu Hato-udu, halai taru ho distansia kilo metru sanulu, husi Nunumoge mai Ainaro, voli bool, nata berlindus, dada tali.
Enkuantu jogu komunitária ne’ebé hala’o iha Ainaro, durante ne’e la’o kontroladu no hetan seguransa husi PNTL munisípiu Ainaro
Jornalista : Lian Orluli
Editor : Lian Orluli
