Lian Orluli – Prezidente Autoridade Munisípio Ainaro Manuela Georgina Carmo Bucar Corte-Real, Promete tinan 2025 sei halo mudansa ba munisípiu Ainaro ho proposta $ 19 Milhoes resin ba kapitál dezemvolvimentu iha $6 milloens.
“Progresu Dezenvolvimento iha Munisípio Ainaro mak lao neneik liu tanba tinan Ida ne’e Ita mai ejekuta deit, maibe’e Ita iha Plano ida diak ba iha 2025, ita espera katak sei halo mudansa ba Munisípiu Ainaro”, Prezidente Autoridade Munisipiu Ainaro Manuela Geoprguina Carmo Bucar hatete iha ambitu serimonia loron restaurasaun 20 de maiu, Segunda ne’e (20/05/2024).
Prezidente Autoridade ne’e hatutan, Proposta 2025 ho montante osan $ 19 milhoes ital, Espera katak, bele muda buat barak, iha Munisipio Ainaro liu-liu iha kapitál Dezenvolvimento.
“ Ba kapitál dezemvolvimentu $6 milhoes ital, ho 27 Projeitos ba Bens de servisu mos Ita sei hare, ba atividade ekonomikas sira ne’e bele dezenvolve lalais, hodi hamoris ema nia servisu de pertense hamoris ema oinsa mak atu moris diak, laos deit sociál maibe aktividade ekonomikus, Ita hatene Ita nia natureza nee fo buat barak mai Ita ,liuliu iha turismu, ho potensial barak teb-tebes, ne’e sai fontes de rendimento mai ita liu liu mai povu Ainaro, agrikultura mak hanesan kafe, varius de produto, oinsa mak Ita atu insentiva Ita nia maluk sira ,atu nune’e sira bele hala’o servisu ho espiritu de badinas atu nune’e bele fo rejultadu Ida Diak , hanesan Ita nia Parseiro Ida ne’ebe mak fo sistema Ida ne’ebe mak diak nune’e bele fo rejultadu diak iha Agrikultura nian”, Prezidente Autoridade Munisípio Ainaro hateten
Fatin Hanesan Prezidente Veteranos Munisipio Ainaro Julio da Conceicao Loro Mesak rekoñese Komemorasaun loron restaurasaun ba dala 22 iha munisípiu Ainaro, diferensia ho tinan kotuk
“Diferensia tinan kotuk ho tinan ida ne’e tanba partisipasaun masimu tebes husi veteranos sira, konaba dezenvolvimento iha nasaun kada tinan 5 tenki iha mudansa, ita fiar katak iha nunu Governo konstitusionál sei halo mudansa ba Dezenvolvimento ne’ebe mak povu sira hein no ejiji hela , maibe ba tinan ida ne’e la iha no ba tinan oin bele iha ona mudansa, tau ona iha plano Autoridade Munisípio nian”. Dehan Prezidente CCLM Julio
Enkuantu iha serimónia Isár bandeira Marka prejensa husi Komunidade suku 7, Estudante Husi Eskola Primaria, Secundario no Inklui mos Funsionario Publiku, Delegasaun Teritorial, Konseilho konsultivu Munisípiu Ainaro
Jornalista : Sarah
Editor : Lian Orluli
