Lian Orluli — Administrador Munisípiu Ainaro hamutuk ho Amigo Ballarat Australia tau fatuk dahuluk ba konstrusaun fatin halimar ba labarik sira iha Ainaro hodi hametin nafatin lasu amizade entre komunidade ho amigo Ballarat Australi iha Munisípiu Ainaro
“Objetivu tau fatuk da-huluk hodi konstrui fatin halimar (Playground) ba labarik sira hodi bele halibur hamutuk halimar ho nune’e bele hametin liu tan entre autoridade komunidade Munisípiu Ainaro ho Ballarat Australia, Konstroi Playground ne’e husi ami Ballarat Australia fo apoiu orasamentu $20 mil ba Administrasaun Munisípiu Ainaro hodi halo konstrutrusaun”. The Mayok Of Ballarat Mr. Des Hundson dehan hafoin tau fatuk ain ba kontrusaun playground iha Area Ainaro Villa Sexta ne’e (22/09/2023)
Iha sorin seluk Secretario Administrador Munisipiu Ainaro Rosa Olga Mendonca senti Orguillu ho Amiga Ballarat Australia, tanba bele Apoiu Orasamentu hodi Konstrui fatin halimar ba labarik sira iha Munisípiu Ainaro
“Hanesan Autoridade Munisipiu Ainaro Senti kontenti tebes, tanba ita bele halo kolega diak ho Amiga Ballarat Australia liu-liu iha projetu kona-ba tau fatuk dahuluk hodi halo konstrusaun Playground ba ita nia oan sira, tanba durante ne’e iha Munisipiu Ainaro seidauk iha fatin Playground atu halibur labarik sira, liu-liu Inan aman ferik no katuas sira hodi mai Halibur hamutuk iha fatin ida ne’e, ho haksolok, tanba liu husi kordenasaun sira ne’e husi Amiga Barallat hodi projetu barak mak mai konstrui iha fatin iha Munisipiu Ainaro”. Secretario Administrador Munisipiu Ainaro Rosa Olga Mendonca Agradese
Alende ne’e Architect PDIM Munisípiu Ainaro Prudencio A. Dos Reis haktuir, tuir dezeñu ba konstrusaun refere ho Material lokal no mos sei halo moru protesaun ba fatin halimar ne’e
” Tuir dezeñu ho tipu refere liu ba labarik sira Playground, konstrui ho moru hodi asegura criancas sira wainhira sira halimar iha ne’e, materia ne’ebe mak ita uza hanesan material lokal, hanesan ai, roda”.dehan architect ne’e
Enkuantu konstrusaun fatin halimar ba labarik sira iha Ainaro hetan apoiu finanseiru husi amigo Ballarat Australia ho montante dolar amerikanu rihun ruanulu ($20.000.00) no hetan asistensia husi PDIM nune’e ba iha futuru bele servisu hamutuk nafafin entre PDIM ho Amigo Ballarat
STJ : Nina/ Marcya
Editor : Lian Orluli
