Ainaro Lian Orluli – António da Concesao Prodúz Aisar kesak hodi fan iha merkado nune’e bele responde oan sira nia hakarak no alkansa oan nain 6 sira nia mehi ne’ebé hakarak susesu iha futuru
Nu’udar aman nia responsabilidade ba oan nain 6 no mehi hakarak oan sira susesu iha futuru, tanba ne’e Antonio iha kreativu moderniza Aisar kesak husi nu’u tahan ba Aisar ne’ebé modernu, tan deit mehi boot hakarak oan nain 6 bele susesu iha futuru no bele alkansa sira nia mehi.
Antonio da Conceicao Mendonca husi Suco Aituto Posto Administrativo Maubisse, Munisipiu Ainaro ho nia fen kaben Rosa Barbosa hela iha, suku Aitutu Fleixa Maubisse, interse hakarak oan susesu Antonio fan nia produtu sira hanesan , aisar kesak no Manu- lokal iha koridor estrada ninin dalan protukolu, Gunung-mas Ainaro Vila, loron ida hetan rendimentu $ 25.00 to 30,00 nune’e bele sustenta oan sira nia eskola no responde nesesidade uma laran.
Sakrefisiu ne’ebe Antonio halo hanesan luta ne’ebe Mak naruk no pasensia kesi Kabun loron tomak, hodi Toba de’it iha veranda Gunung-mas , to’o iha dadersan hemu deit be’e agua ida no dose maran atu nune’e bele iha kbiit no Forte hodi kontinua faan Sasan ne’ebe mak nia iha, bainhira iha tempu kalan nahe deit manta iha rai laran hodi bele deskansa.
“Produtu ne’ebé maka hau fan balun hau rasik maka halo no balun hau Sosa iha Suia Covalima maka hanesan Aisar-kesak no Manu-lokal, husi ne’e hau fan fali iha Ainaro loron Ida Hau bele hetan Osan Dollar $ 25.00 to’o 30.00 hanesan ne’e, husi osan ne’e maka hau bele sustenta hau nia oan sira ba eskola tanba hau nia mehi harak oan sira bele susesu iha futuru, hamesan ema seluk nia oan,” Atónio haktuir
Antonio senti triste, baihira fan nia produtu sira la folin tanba sofrementu sira ne’ebé maka nia hasoru la fasil ba ema hotu, la iha Fatin ba nia atu toba kalan dala ruma tur ho pasensia to dadaer dala ruma mos tenki nahe lipa sai hanesan biti no pasta sai hanesan sumasu hodi deskansa kalan iha ema nia varanda oin, to’o iha dadersan hodi kontinua fa’an nia produtu
“Hau esforsu halo ida ne’e hodi toba de’it iha vranda laran lipa mak sai hanesan biti no sakola sai hanesan sumasu hodi nuli iha tempu deskansa kalan to’o dader nune’e hodi kontinua buka osan, tanba hau nia mehi hakarak oan nain ne’en ba eskola atu nune’e sira bele susesu hodi atinji sira nia mehi iha futuro,” Nia dehan
António ho ferikoan Rosa Barbosa iha oan nain neen Feto tolu no Mane tolu Agora dadaun Mane Ida iha ona Universidade iha Dili no seluk sei iha sekundário no Pre-secundária no mos iha primária iha Maubisse.
Enkunatu António faan sasan hanesan aisar kesak ho manu lokal durante tinan 2015, durante ne’e António fan nia produto bainhira remata Antonio tenki ba sosa fali produtu sira iha Munisipiu Covalima nune’e kontinu fan iha Ainaro.
Jornalista : Sara lewis/Nonya
Editór: Lian Orluli
