Lian orluli— komandante Autoridade Protesaun Cìvil Ainaro Afonso da Silva hateten, 28 de novembru APC Ainaro sei hola parte iha komisaun parada ho ekipa Bombeirus no Guarda SPP marka formatura parada. Hanesan Autoridade Protesaun Cìvil no korpo Bombeiros prepara ekipamentos fornese be’e mo’os ba parada, siguransa diresaun nasional, patrimoniu públiku no seguransa hola parte mos parada iha eventu 28 de novembru 2023 iha munisipiu Ainaro
“Tuir reuniaun ne’ebe husi Autoridade Protesaun Civil hamutuk ho prezidente autoridade Munisípiu forma komisaun organizada atu komemora loron 28 de novembru 2023, autoridade protesaun sivíl hola parte iha komisaun parada ho ekipa Bombeiros, Guarda de SPP, sira mak marka formatura, iha parte korpo Bombeiros atu prepara ekipamentos fornese be’e mo’os ba evento 28 de novembru ba iha seguransa diresaun nacional, siguransa patrimonio pùbliku, no mos seguransa ne’ebe maka hola parte iha parada no iha evento 28 de novembru 2023 iha munisípiu Ainaro,” dehan Prezidente APC Munisipiu Ainaro
Nune’e nia husu ba povu Ainaru tenki kolabora no servisu hamutuk atu selebra loron inportante ne’e ho diak
“Husu ba povu tomak no komunidade hotu iha munisipiu Ainaro, no mos ba Posto Administrativo 4 ba suku no Aldeia sira 28 de novembru evento ne’ebe importante mai ita tanba loron proklamasaun independensia 28 de novembru 1975 agora halo tinan 48, ne’e loron històriko ba povu no nasaun timor- leste tamba liu husi loron históriko ita timor-leste ohin loron bele hetan independensia husi nasaun sira seluk hato’o ba komunidade sira hotu katak evento 28 de novembru ita kolabora hamutuk, servisu hamutuk hare ba ita nian munisìpiu limpeza gerál ho mos no saudavel hodi hein loron evento proclamasaun independensia 28 de novembru 2023 lao ho diak iha munisípiu Ainaro”. Nia hakotu
STJ: Reny
Editor : Lian Orluli
