Ainaro Lian Orluli — Negosiante Armanda de Lima, ho Idade 64, husi Suku Mau-ulu, Posto Administrativo Ainaro, Munisipiu Ainaro, nesesidade obriga inan Armanda buka moris iha merkadu Ainaro villa maibé susar hetan Rendimentu husi produtu loka manu ne’ebé inan faluk ne’e fa’an iha merkadu Beskem Ainaro
Sasan ne’ebé inan faluk Armanda fa’an mak hanesan Manu-lokal, tuir loron tomak sosa nain sira la besik hodi husu netik manu-lokal nia folin, maibé pasensia nafatin hodi tuir husi dader to’o iha loraik fila ba uma
“Ha’u mai fa’an sasan ne’e durante tinan sanulu ba leten mai to’o agora ha’u hetan rendimentu ki’ik liu dala ruma loron ida manu-lokal ha’u bele hetan $ 7.00 hanesan ne’e, no sasan sira ne’e ha’u sosa tutan husi ema husi Zumalai hodi ha’u fa’an tutan fali”, hateten Armanda de Lima iha Segunda Feira ne’e (13/02/23) iha Beskem Ainaro
Entertanto sasan sira ne’ebé fa’an nia sosa tutan fila fali husi komunidade seluk hodi fa’an mak hanesan Manu-lokal ida ho folin $ 6.00 ne’ebe inan faluk hodi fa’an fila fali iha merkadu ho folin $ 7.00, no manu lokal ne’ebé inan faluk fa’an la iha fatin hodi tau ba laran, maibe tau de’it iha loron manas hodi hein kompradores maibé nafatin ema la hola no loron nia manas halo manu isin sai kamutis emtaun komprasdores lakohi hola no paying ida hodi satan netik loron nia manas maibe loron nia manas nafatin kona halo manus sai kamutis
“Manu-lokal ne’ebé ha’u fa’an ha’u sosa tutan fali husi ema seluk ne’ebé mak lori manu lokal mai fa’an iha merkadu ho folin $ 6.50 to’o folin $ 12.00 ba leten no loron ida ha’u bele hetan manu lokal ida ema bele sosa ho folin $ 7.00 de’it hanesan ne’e”, hateten nia
Armanda informa katak liu husi produto hirak ne’e hodi buka osan maibé nafatin la fo sufisiente ba inan faluk nia oan hodi selu eskola tanbe ne’e Armanda esforsu hodi buka osan no fa’an sasan maibé la iha kompradores hodi hola inan faluk nia produtu
Negosiante Armanda de Lima hato’o nia preokupasaun ba Governu atu hari’I merkadu Beskem iha fatin seguru no iha fatin publiku atu nune’e negosiante ne’e bele mos iha fatin hodi bele fa’an sasan ne’ebé nia fa’an hodi bele hetan rendimentu ne’ebé di’ak.
Editór : Lian Orluli
