Ainaro Lian Orluli— ARCOIRIS ko’opera ho Prevedória Dereitus Humanus Justisa (PDHJ) dessemina infomasaun ba autoridade lokal no ba PNTL inklui funsionariu Públiku Administrasaun Munisípiu hodi hasa’e koñesementu liga ho assuntu LGBTIQ+ nune’e sidadaun sira labele halo deskriminasaun ba sidadaun LGBTIQ +.
“ Formasaun ne’e nia objetivu atu hasa’e koñesementu komunidade sira nian, liu-liu autoridade lokal sira no autoridade seguransa no mós instituisaun Governu sira seluk inklui ONG no sosieadade sìvil liga ho assuntu LGBTIQ+ nune’e labele halo deskriminasaun ba komunidade LGBTIQ+ iha sosiedade nia le’et,” esplika Project Coordinator ARCOIRIS Timor-Leste, Elang Da Cruz Esplika Elang.
Entertantu iha formasaun ne’e marka mós prezensa husi ekipa PDHJ hodi esplika asuntu relasiona ho komunidade LGBTIQ+.
“Ha’u atu dehan prezensa PDHJ nian atu fahe informasaun liga ho komunidade LGBTIQ+ bainhira sira halo kanar servisu ruma atu sosidade sira bele respeita no hatene sira mós iha direitu hanesan ho ita,”dehan Diretòr PDHJ DT SAME Francelina Tilman
Formasaun ne’e hala’o iha salaun enkontru CNE iha Segunda (19/12/22) ida ne’ebé hetan partisipasaun funsionariu liñas ministriais munisipiu no autoridade seguransa PNTL, Protesaun Sìvil, inklui juventde Munisipio Ainaro.
Editor: Orluli News
