Lian Orluli — Ministru Agrikultura Pekúaria Peska no Floresta Marcus da Cruz esplika tratór unidade tolu ne’ebé entrega ba Prezidente autoridade Mumisípiu Ainaro ne’e hodi fasilita komumidade agrikultór sira nune’e bele aumenta produsaun rai-laran no hasa’e kualidade nutritivu
“Trator Unidade tolu, entrega ba Prezidente Autoridade Munisipiu Ainaro hodi ajuda Agrikultor hasa’e Produsaun rai-laran, ho objetivu aumenta produsaun ho kualidade nutritivu, kuantidade, no asesivel, no presu ne’ebe mak povu hotu bele sosa ho sustentavel, nune’e bele halo Dezenvolvimentu agrikultura, liu husi sira ne’e ita presija servisu makas nune’e bele atinji ita metas “, Dehan governante ne’e iha edifisiu MAPPF Ainaro.
Ministru ne’e haktuir husi tratór tolu ne’ebe entrega, ida nee hanesan kontinuasaun programa husi governu anterior ne’ebe, Makina tolu entrega ona hanesan kontinuasaun husi programa governu da-ualu nian ne’ebe antes ne’e entrega trator sanulu resin haat, maibe balu avaria ona no balu sei halo manutensaun
” Mekanika nain hitu ekipa ida hodi hala’o servisu movel ba iha Munisipiu sira atu nune’e bele hadia trator ne’ebe mak a’at total 2 hanesan Ainaro 12 maibe Kompaiñia sei ba sosa nia ekipamentus depois lori husi ne’eba mai hafoin ekipa halo mautensaun para Agricultor sira bele utiliza fila fali hanesan bain-bain”.
Alende ne’e Prezidente Autoridade Munisípiu Ainaro Manuela Georgina Carmo Bucar Corte-Real apresia ho apoiu ne’e hodi bele dezenvolve liu tan iha parte agrikultura nian nunee aumenta produsaun rai laran tanba Timor-Leste moris kiak okupa pursentu ne’ebe aas
” Ita hotu kontente no apresia ba Sua Selensia Ministru MAPPF tanba bele oferese ona trator tolu mai importante tebes hodi ajuda dezenvolvimentu agrikultura tanba 41.80% timoroan la konsege hetan rendimentu $10.00 por mês no $2.00 por dia, moris kiak , iha pobreza nia okos no timor okupa 147 pozisaun país kiak no menus dezenvolvimentu tuir Informasaun Estatistika nasional hatudu katak Ermera Oe-cusse, inklui mos Ainaro konsidera kiak iha Timor-Leste ho luan 500 mill KmH2 ho area kultivu Agrikultura ho total 10.414 kuadradu, mais ou menus 80% Populasaun moris ho Agrikultura hodi sustenta moris, dadus iha Community Agrikultura iha potensia responde ba merkadu produsaun hortikultura, Agrikultura peska no hakiak animal iha Ainaro” denan Manuela hafoin simu trator nee iha Ainaro
Prezidente Munisípiu nee mos hatete, ho númeru populasaun ne’ebe aumenta mak tratór hirak nee bele ajuda diak liu tan agrikultór sira halo produs barak iha agtikultura hodi fo rendimemtu diak na povu
“Presija atu dezenvolve tanba Populasaun sae ba 72.800.89 signifika barak ho nia potensia Agrikultura 800.89.80 km2 Hektares 16.126. Tuir Dadus ativu Populasaun 22% artikula 5 mak hanesan kafe Foos batar koto ortikultura, espera ho tratores ne’e hodi ajuda Agrikultura sira fila rai atu nune’e Agrikultor sira bele produs barak lu tan no fo rendimentu diak ba povu Agrikultor sira”. Prezidente Munisipiu ne’e hakotu.
Jornalista : Sarah
Editór : Lian Orluli
