Lian Orluli — Ministeriu Agrikultura Peska, Pekuaria no Floresta Diresaun Ainaro ho ekipa kuda du’ut Bitiber, ai-kakeu iha fatin risku sira hodi prevene erosaun atu labele fo impaktu ba estrada nasional sira, tanba tuir autoridade másimu Ainaro Manuela Georgina Carmo Bucar Corte-Rral dehan, iha emprezariu balun ne’ebe la iha koiñesimentu hodi sobu bee nebe fo risku ba rai-monu, ida ne’e hanesan prekupasaun ba autoridade, ho nune’e organiza Diresaun MAP ho ekipa kuda duut no ai-kakeu hodi mitiga fatin risku sira iha Ainaro
“Empreza tékniku ne’e nia koiñsementu ladún di’ak sobu fila-fali bee ne’ebé mak fó risku, maibé la halo konservasaun ho nune’e rai ne’e monu tia hotu, durante tinan 2 ona maibé ate a data obras públika hatama ona proposta no seidauk hetan rezultadu ida husi Ministeriu Obras públika hodi hare’e ba estrada ne’e, tanba estrada ne’e Nasionál Ainaro liga Dili Suai, tanba ne’e pam mós prekupa oituan nunee mak Diretora MAPPF Munisipiu Ainaro ami organiza hodi kuda Duut..ne’e para bele kaer metin rai nune’e iha parte ne’e labele monu hotu tanba tempu udan hanesan ne’e provoka rai ne’e monu hela de’it. Ho nune’e ita mós sei fó orientasaun ba iha Obras públika atu kondena ho empreza ne’e bele hamos di’ak labele fó impaktu ba rai ne’e monu bebeik, no ita kolia ona ho xefe suku no komúnidade atu uza materia lokál hodi tau para satan metin rai ne’e labele monu nafatin“, dehan PAM.
Iha tempu udan provoka rai monu hodi fo impaktu ba estrada nasionál nebe liga Ainaro-Dili, Ainaro-Suai no berturba movimentasaun Transporte, tanba ne’e tuir planu MAPPF sei kuda ai-oan sira iha área ne’ebe risku ba rai-monu hanesan iha Fleixa, Tamhuk no Jakarta II Ainaro
“Kuda ai-oan ba área ne’ebé mak durante ne’e rai monu, kuda Duut Betiber no mós ai-kakeu ne’e di’ak tebes kuaze 300, no mós ita iha planu ona atu kuda iha área fleixa iha gruta ninian kotuk, Jakarta II, no mós iha tamhuk parte Suku Soro ninian, tanba fatin sira ne’e risku”, dehan MAPPF Ainaro Aguida Judit Mendonça.
Ho atividade kuda ai-oan ne’e Xefe Suku Manutaci Manuela da Silva Caldas nia parte kontente tanba autoridade Ainaro hamutuk ho MAPPF inklui funsionariu sira kuda ai-oan hodi prevene rai monu
“Ami senti kontenti tanba foin Primeiru Vez Presidente Autoridade Munisípiu Ainaro, hamotuk ho Diretora MAPPF no mós Funsionariu sira mai hamutuk ho ami hodi kuda Duut Bitiber no aikakeu hodi prevene rai ne’e halo metin, tanba durante tinan 2 ona rai ne’e halai halo movimentu públiku nian la dun diak, tanba fatin Ne’e risku tebes no mos liu husi kuda ai-oan ne’e bele prevene rai monu“. Lideransa Komunidade ne’e hakotu.
Atividade kuda Duut no ai-oan ne’e hanesan meius ida hodi prevene erorasaun no programa ne’e organiza husi Diretora MAPPF Munisipiu Ainaro Aguida Judit Mendonca ho Presidente Autoridade Munisípiu Ainaro Manuela Georgina Carmo Bucar Corte-real no funsionariu sira no partisipa mos husi CVTL inklui lideransa suku no Komunidade sira no atividade kuda ai-oan ne’e, kuda ona iha iha Suku Manutaci.
Jornalista : Sara Lewis
Editor: Lian Orluli
