Lian Orluli—Autoridade Munisípiu Ainaro Sai arguidu ba kazu sobu lutu ne’ebé konsidera rai disputa, entre família Verdial ho rai Estadu iha area Biskem, postu Administrativu Ainaro, Munisípiu Ainaro.
Antes ne’e, iha loron 30 fulan Setembru tinan 2022, iha ne’ebé Autoridade Munisípiu Ainaro no lisan Laubei-Mauteni konsidera rai ne’e pertense ba Estadu, ne’ebé tuir planu atu harí kámara Munisipál Ainaro no utiliza ba komemorasaun Isar bandeira iha proklamasaun Independensia 28 de Novembru loron, iha tinan 2022.
Maibé família Verdial konsidera rai refere la’ós pertense ba estadu, maibé nudár eransa husi família Verdial dezde tinan 1968, tanba ne’e jerasaun Verdial lori besi no dada arame farpadu ba rai ektare 4 ne’ebé lokaliza iha Ainaro Biskem.
Hafoin família verdial dada arame farpadu, deskonfia Autoridade Munisípiu Ainaro ho Administradór Postu Ainaro inklui xefe suku Ainaro ba sobu hodi lori ba haloot iha komandu PNTL Munisípiu Ainaro nudár evidénsia hodi fasilita prosesu julgamentu iha Tribunal Distritál Suai.
Ho asaun ne’ebé Autoridade Munisipál Ainaro pratika, defensór Públiku Reprezenta Anselmo Pinto husu ba tribunal autoriza hala’o inspesaun direta ba lokál do krime hodi konfirma valór prejuizu ne’ebé lezada família Verdial aprezenta ba tribunal.
Tribunal Distritál Suai konkorda defendesór públiku nia pedidu inspesaun, tanba ne’e, iha Sesta-feira (05/2021), defeza, Ministériu Públiku reprezenta Rafael Gusmão no Tribunal Distritál Suai reprezenta husi Inaso Sarmento halo isnpesaun direta iha lokál do krime, hodi haree evidénsia hanesan besi no arame ne’ebé arguido sira sobu.
Defensor Públiku, Anselmo Pinto, hateten, inspesaun ne’e atu hatene loloos akuzasaun ne’ebé lezada aprezenta ba tribunal.
Anselmo Pinto argumenta, arguidu sira sobu lutu la’ós ba interese pesoál maibé ba interese komún, tanba altura ne’ebá autoridade Munisípiu inklui mós ho lideransa lokál sobu lutu bazeia ba dokumentu estadu.
“Bazeia ba dokumentu ida ne’ebé maka mai husi Sekretáriu Estadu Terras Properiodade, dehan katak rai ne’ebé maka agora daudaun sai polémika pertense ba iha estadu, la’ós rai lezadu sira nian”, Defensor Públiku Anselmo Pinto defende. Parte defeza dehan, posibilidade desizaun ikus ba kazu disputa rai sei akontese iha loron 19/01 tinan ne’e, maibé depende ba desizaun husi tribunal.
Relasiona ho disputa ne’e, Prezidente Autoridade, Leovegildo Amaral Pereira, esplika, nia parte ho lezadu sira halo ona julgamentu dala-rua kona-ba asaun sobu lutu ne’e no juis husu kona-ba arguidu sira identindade.
“Sidan (julga) dala rua ona, ohin juis sira mai husu de’it ami na’in 8 nia saláriu inklui ho ferik ona sira nian, no mós ho ami nia oan sira. Iha loron 18 fulan Janeiru tinan ne’e ami sei ba deside fali iha tribunal hodi selu besi sira ne’ebé ami losu sai ona ne’e”, Prezidente Autoridade Munisípiu ne’e esplika iha nia knaar fatin ADM.
Iha oberavasaun ba evidensia ne’e, akompaña husi lezada família jerasaun verdial no arguidu sira.
Enkuantu arguido sira partisipa ona iha julgamentu ba da rua, iha loron sanulu resin walu fulan ne’e, hala’o ba da tolu
Entertantu autoridade munisípiu Ainaro Leovigildo Amaral Pereira dadaun ne’e iha munisípiu Ainaro hodi tau matan ba servisu administrasaun Munisipál
Jornalista : Lian Orluli
Editór : Lian Orluli
