Lian Orluli— Autoridade Komunitariu Ainaro la menta ho mudansa rekejitu Erderus hodi asesu ba pensaun idozus tanba sei prejudika komunidade iha baze
Liu husi Konferensia Imprensa portavos Wilson Nivio Mendonsa atuál xefe suku Maubisse vila informa, kriteriu ba idozus sira ne’ebé kada tinan sempre aumenta prejudika tebes hodi labele asesu ba pagamentu, ba idozus sira
“Ami husi Autoridade komunitáriu Postu administrativu haat suku rua nulu resin ida, ne’ebé reperejenta komunidade iha munisípiu ida ne’e, harak hato’o deit ami nia lamentasaun balu liu-liu liga ba kriterias iduzus sira nian ne’ebé kada tinan sempre iha mudansa ba bebeik hodi prejudika tebes ba komunidade sira ne’ebé idade to’o ona labele asesu ba iha sira nia diretu rasik”, Dehan xefe suku Maubisse Wilson.(24/09/2024)
Sefe Suku Maubisse hatutan tan, Kriteriu sira ne’ebé governo liu husi ministériu fo hodi trata dokumentus Erderus ne’e prejudika no hamate komunidade sira atu labele asesu ba sira nia diretu, no signifika deklarasun husi Autoridade Komunitariu nian la vale
“Kriteriu hodi trata dokumentu erderus ne’e ita hatene katak presija envolve familia tomak nia prejensa, tanba ne’e la fasil ba komunidade sira hodi trata dokumentu refere, tanba ita hotu hatene katak dokumentu erderus ne’e ba vetranus sira, kuandu ita inplementa hotu iha idozus sira nian, singnifika deklarasaun husi ami la vale, tanba ne’e husu ba iha ministeriu relevante sira liu-liu MSSI no Notariadu atu hare didiak assuntu hirak ne’e nune’e birokrasi ba trata dokumnetu idozus sira nian labele naruk hodi prejudika sira bainhira asesu ba sira nia diretu rasik”, Xefe suku Nivio Wilson hateten
Iha okaziaun hanesan sefe suku Rodolfu hatutan tan, antens Governu halo mudansa ba dokumetus iduzus sira, presiza halo sosializasaun ba komunidade sira atu labele prezudika autoridade komunitáriu ho komunidade sira iha baze
“Bainhira atu halo mudansa hanesan ne’e, governu parte relevante sira hanesan Ministeriu Justisa Dirasaun Notariadu no Ministériu Solidaridade Sosial Inkluizaun, halo uluk sosializasun ba komunidade sira hodi labele prezudika komunidade liu-liu sira ne’ebé idozus ona”, Xefe suku Suro-Karaik Rudolfu dehan
Enkuantu iha komferensia de Imprensa ne’e Autoridade komunitáriu husi suku rua nulu resin ida, Postu Administrativu hat iha munisípiu Ainaro, husu ba governu liu-liu ba Ministéru Relevante, atu fo solusaun ne’ebé diak ba problema sira ne’ebé komunidade sira infrenta iha baze.
Jornalista : Lian Orluli
Editor : Lian Orluli
