Lian Orluli –Konselhu Konsultivu aprova proposta Planu Orsamentu (PO) 2025, ne’ebé ho montante miliaun $14.102.883.21.
Husi Proposta orsamentu refere sei submete ba iha Ministériu Estatal hodi analiza molok submete ba iha Parlamentu Nasionál hodi halo debate nune’e bele hetan aprovasaun.
Orsamentu ne’e ho kategoria salariu bensimentu ho valor 3.685.129. 50, Bens servisus ho valor 1.014.129.71. Kapital minor ho montante 950..000.00. Infraestraestrutura publiku ho valor 3.453.654.00. Kapital dezenvolvimentu ho valor 5.000.000.00.
“Ohin ita hotu hamotuk iha ne’e hodi hala’o diskusaun konaba ita nia plano ne’ebe mai husi suku no Posto agora to’o ona mai iha Munisípio hodi tau plano investimento Munisipál depois sei aprejenta mos plano 2025 kada aktividades, hau apresia tebes prioridade liu hodi avansa ba oin, ida ne’ebe mak la prioridade ita husik ba 2026, mai ita hamotuk hodi hare ba interese Ainaro ninian ne’e mak importante hodi apoiu malu hodi lori Ainaro ba oin, Ainaro ne’e ita hotu nian , kondisoes ne’ebe mak presija ita tau hodi atende ita nia maluk sira, saida mak ita tau hodi lori ba iha Komisaun Revizaun Orsamento” Prezidente Autoridade Munisípiu Ainaro Manuela Georgina Bucar Corte-Real iha adminsistrasaun Ainaro.
Iha sorin seluk Prezidente autoridade agradese ba delegasaun teritorial sira, tanba aprova ona Proposta 27 ne’ebe maka deside hamotuk no avansa ona
“Hau agradese ba delegasaun teritorial tanba ita boot sira nia proposta 27 ne’e liu hotu ona, Espera katak ba iha Nasional bele pasa, tanba ne’e mak iha konsultasaun balun presija atu kompleta“.PAM dehan
Fatin Hanesan Administrador Posto Administrativo Hato-Builico Aniceto Marques Senti Orguilho no agradese proposta ne’ebe mak submete husi suku no Posto bele pasa, maske iha diskusaun barak nia laran
“Hau agradese tanba ohin Proposta ne’ebe mak submete husi Suku mai iha Posto mai iha Munisípio bele pasa ho razaun ne’ebe mak forte hodi portifika iha apresiasaun ne’ebe mak importante tetebes ba komunidade, Liu Liu iha hau nia Posto no Suku sira. maske ohin mosu diskusaun barak iha forun”.
Enkuantu Reniaun ne’e Delegasaun Teritorial Aprovasaun Proposta 27 ne’ebe Mak submete husi Suku no Posto Administrativo ha’at, ho kategoria Projetu rehabilitasaun no konstrusaun, inklui reahbiliasaun ba esrada rural.
Proposta sira ne’ebé hetan aprova, postu Hato-udu Kanalijasaun be’e matan no konstruksaun be’e mo’os, iha Postu Maibisse rehabilitasaun estada Urahou Lihubere, ho Urahou liga Tamhou,estrada Hatoseraque,no konstrusaun be’e mos Suku Manetú, estrada Mau-lau, Postu Hato-Bulico, reahbilitasaun estrada ki’ik Aitutu, Manumera, konstrusaun Sentru Saúde Mau-lau, Konstrukasaun Kampo Multifunasaun iha aldeia kanurema, ba Postu Ainaro maka Rehabilitasaun Irigasaun Suku Mau-nuno, estrada Raebere,estrada Lugatu, Edifisiu Mortuariu ba Postu tolu, Konstrukasaun Edefisiu CNE Konstrukasaun Moru PNTL, Reahbilitasaun Edifisiu Autoridade Munisipál, Edefisiu SECOOP, Rehabilitasaun Rejidensia PAM, inklui ho seluk ne’ebé maka preoridade
Jornalista : Sarah Lewes/ Chelita/Nina
Editor : Lian Orluli
