Ainaro lian Orluli-30-09-2022-Autoridade munisipiu Ainaro no reprezentante lia nain uma lisan hamutuk 60 losu sai estaka ne’ebé hari husi jerasaun Jaime Verdial ne’ebé foin hari foin lalais ( tersa 27/09/202).
Rai ne’ebé desputa iha área biskem ektar haat sei disputa hela entre jerasaun Jaime Verdial no Estadu liu husi autoridade munisípiu Ainaro, maibé iha sesta feira ne’e Administrador munisípiu Ainaro Leovegildo Amaral Pereira no reprezentante uma lisan hamutuk 60 iha Ainaro,lisan Laubei no Mauteni ofisialmente losu sai estaka no koloka kedas makina pezadu hodi dudu kedas raia refere nune’e bele prepara ba seremonia loron proklamasaun independensia unilateral 28 novembru iha tinan 2023, alende ne’e hodi hari fali kamra munisipal Ainaro.
Administrador Munisípiu Ainaro Leovegildo Amaral Pereira deklara rai partensia ba Estadu refere la’os na’in ba jerasaun Jaime Verdial
Tamba ne’e estaka ne’ebé losu sai entrega ba autoridade PNTL munisípiu Ainaro rai hanesan evidensia no provezoriumente rai ne’ebé ateru sei utiliza hodi faan ropa obralan
“Hau sei la koalia barak maibe’e hau rejista deit saida maka patremonia Estadu nian, ida ne’ebe bo’okan no la bo’ok an no hau iha direitu atu rejista patrmonia estadu nian, no ohin loron ita hotu ne’ebé mai partisipa iha ne’e atu halo abertura ba rai hodi preparasaun ba loron proklamasaun 28 de novembru tinan oin mai 2023, depois ho imi hotu nia konkorda hasai pilar ne’ebe”e tidin ne’e”. Dehan administador Munisipio Leovegildo Amaral Pereira iha abertura dudu rai
Iha parte seluk lia nain uma lisan mauteni Cansao Magno hateten iha tempu portugal nia ukun rai ne’e uma lisan laubei no mauteni uza ba fatin komuninal kuda batar no aifarinha/ tamba ne’e rai ne’e la’os partensia ba jaime verdial ninian
“ Tempu Portugal nia ukun rai ne’e uma lisan Laubei no Mauteni uza ba fatin komuninal kuda batar no aifarinha tamba ne’e rai ne’e la’os partensia ba jaime Verdial nian”. Hateten Lia nain uma lisa Mauteni Cansão Magno, iha abertura dudu rai
Iha fatin hanesan xefe suku Ainaro Agapito Fatíma Martins husu autoridade munisípiu Ainaro atu koloka makina pezadu hodi ateru rai ne’e nune’e bele hala’o dezenvolvimentu.
“ Rai ne’e enisio halo problema ho matebian Ojorio ami rua hasoru malu iha tribunal dala 3, kona ba rai ne’e xefi aldei nain 9 abaisu asinado hotu hodi propoin ba governu Timor lese, tamba ne’e hau husus governu labele halimar demais ho ema individual ne’eb”e iha interse halo inpedementu ba dejemvolivimenti ba iha rai ida ne’e, hau husu autoridade munisípiu Ainaro atu koloka makina pezadu hodi ateru rai ne’e nune’e bele hala’o dezenvolvimentu” dehan reperejentante povu suku Ainaro Agapitu Fátima Martin
To’o notisia ne’e públika Jornalista Orluli News tenta atu halo konfirmasaun ho jerasaun Jaime Verdial ne’ebé antes ne’e konsidera rai disputa rai refere maibé laiha fatin, tamba dadauk ne’e sei hala’o servisu iha Dili.
Enkuantu disputa rai entre jerasaun Jaime Verdial ho Estadu deste tinan 2010
Entertantu aktividade ne’ebé hala’o husi autoridade munisípiu Ainaro hetan seguransa husi PNTL munisípiu Ainaro membru F-FDTL.
Edito: Orluli News
