Ainaro Lian Orluli-13-10-2022- Administradór munisípiu Ainaro Leovegildo Amaral Pereira reprezentante ministra Saúde ofisialmente inagura laboratorium no sala izolamentu Centru saúde Ainaro.
Ba jornalista orluli news Administradór munisípiu Ainaro Leovegildo Amaral Pereira reprezentante ministra Saúde iha kinta feira ne’e inagura laboratorium Centru saúde Ainaro no sala izolamentu covid ninian.
“Hau fo parabenss ba Centru saúde Ainaro ne’ebé bele hetan sala laboratorium ida no sala izolamentu covid nian hodi fó asistensia ba rutina, no agradese los ba Ministerio Saúde ,Tamba Munisipiu Ainaro bele hetan Fatin Rua ,iha fatin Laboratorium , no Fatin Izolamentu, maibe Fatin Laboratorium Ida ne’e importante tebes Profisionais Saúde Sira atu hala’o Servisu ho diak ba Komunidade Sira ne’ebe Mak hetan moras hanesan Tuberkuloja,covid, no HIV-sida”. Dehan Administradór munisípiu Ainaro leovegildo Amaral, reprejentante Ministra Saúde
Iha tempu hanesan xefe programa centru saúde munisípiu Ainaro Arnaldo Lima da Silva hateten funsaun laboratorium ne’ebé estabelese hodi halo teste ba moras hadaet hanesan HIV-sida,Hepatitis,Tuber close,no seluk tan
“Apoiu disniotiku ba Profisionais Saude Sira, wainhira fo tratamentu Ida ne’ebe ke Diak, no Laboratorium ba Komunidade Enjeral no lahare ba Idade Senior Nain 2 iha Begrau analista laboratorium nian ,Tekniku baziku iha Ema nain 1 Nia fokus los ba iha Kazu tuberkoloze nian ,Analista laboratorium iha Ema nain 1″. Dehan Xefe Programa Arnaldo Lima da Silva ba Jornalista Orluli iha Sentru Saude Munisipiu Ainaro
Bainhira jornalista Orluli husu kona- bá montante orsamentu ba konstrusaun ba sala labarotorium no sala izolamentu refere, xefe programa centru saúde Ainaro ne’e laiha koñesementu, tamba responsabilidade kompainha
Tamba xefe programa centru saúde munisípiu Ainaro, fó númeru kontaktu kompainha ne’e ba jornalista orluli news atu konfirma tuir liu husi kontaktu númeru watshap, maibé na’in ba kompainha refere la fó resposta ruma kona- bá kompainha ninia naran no orsamentu.
Alende ne’e laiha kuadru kompainha nian harii iha sentru saúde Ainaro
Jornalista : sara lewis
Editor : orluli news
