Ainaro lian orlul- 05-09-2022– Administador Postu Administrativu Ainaro, Nazário de Araújo informa, programa Implementasaun PMOPA nian iha primeira faze realiza iha Postu Administrativu no segundu faze kontinua implementa to’o Suku
“Ohin ita loke ona ba Segunda faze nian, Primeira faze programa mão de obra loke iha Postu Administrativu sira servisu iha vinte-20 dias ho trabalhadores dusentus e trinta-230 ne’ebe hahu iha dia 30 de julho no termina iha 23 de Agostu no segunda faze kontinua ba iha suku-Suku, Suku Hitu-7 iha Ainaro ita loke hotu, kada suku ita fahe grupo la hanesan por ezemplu Suku Cassa tamba nia área luan liu nia iha grupo Tolu, trabalhadores nain neennulu-60,Suku Surukraik,Soro iha grupu haat-4 ho trabalhadores nain haatnulu-40 inklui Ainaro, grupu ne’ebe iha lokasi atividade hamutuk grupu ruanulu-20 ho total ema ne’ebe servisu hamutuk atus haat-400, sira servisu ho durasaun dez dias, iha primeira faze ne’e vinte-20 diaz maibe agora dez dias tamba orsamentu redus ona tamba ita mos loke tan ba suku-suku hotu ona no ema ne’ebe servisu hahu aumenta ,ema barak mak antusias hodi envolve an hakarak servisu entaun prontu ita redus loron ba dez-10 ou bele mos cinco-5 dias nune’e bele sira seluk mos bele servisu”.Dehan Adminstrador Postu Administrativo Ainaro Vila Nazario De Araujo
Nazário rekomenda tan ba komunidade no mos Trabalhador sira atu nafatin kria pas no estabilidade nia laran, nune’e servisu ne’ebe hala’o ona bele lao ho diak nafatin
“Ha’u rekomenda ba komunidade em jeral Suku hitu-7 Postu Administrativu Ainaro, liuliu ba trabalhadores sira labele senti bahasa karik dehan (kecemburuan social) tamba servisu ida ne’e laos atu para deit iha ne’e ba imi balun ne’ebe seidauk servisu labele patah semanngat pasensia nafatin hodi hein fase tuir mai depois bele mai hatama imi nia eleitoral hodi servisu maibe tenki nafatin kria pas no estabilidade iha ida-idak nia bairu hodi servisu ne’e lao ho diak”. hatutan Administrador Postu Administrativu Ainaro ba jornalista Lian Orluli
Nia dehan tan, bainhira servisu kompleta ona loron sanulu-10 autoridade Postu sei halo pagamento ba trabalhalor sira nia salariu hafoin halo rekrutamentu foun ba faze tuir mai.
Iha parte seluk Trabalhadora Celestina da Costa husi Aldeia Sabagu senti kontenti ho programa mão de obra bele ajuda sira nia nesesidade
“Ohin loron primeiru ha’u servisu, sente kontente tebes ho programa hamo’os du’ut ou PMOPA, tamba bele ajuda ami nia nesesidade balun iha uma, duke tu’ur deit iha uma la hetan osan diak liu servisu hodi hetan osan” hateten Celestina ba jornalista Lian Orluli
Enkuantu programa implementasaun PMOPA iha Postu Administrativu Ainaro ho montante orsamento Estadu $114,541,33..
Editor; Lian Orluli
