Ainaro Lian Orluli— Iha kinta feira ne’e Autoridade Postu Administrativu Hato-udo inagura kanalizasaun bee moos ba komunidade Raibere Aldeia Goulau, Postu Administrativu Ainaro Vila.
Kanalizasaun bee moos ne’e husi PNDS munisípiu Ainaro ho valór orsamentu rihun tolu nulu resin rua atus hitu neen nulu resin tolu vergula sentavus haat nulu resin lima (32,763.45)
Obra ne’e hahú iha loron 22 fulan fevereiru 2022 no remata iha kuarta feira loron 18 janeiru tinan 2023
Administradór postu administrativu Hato-udo Rozalino Soares mendes agradese ba PNDS ne’ebé kanaliza ona bee moos ba kominidade uma kain 70 bele asesu ona bee moos iha Raibere.
“Hau husu ba komunidadae Gou-lau sira nebe’e hela besik iha bee ne’e atu koidadu diak, labele iha hanoin ida katak Estadu maka sei mai kontrola bee ne’e,” ADM Postu Hato-udo Rozalino dehan
Reprzentante Diretúr PNDS munisípiu Ainaro Abel Bianco hateten orsamentu ba konstrusaun bee moos refere hetan ápoiu husi Parseiru Dezenvolvimentu Australia liu husi servisu ministériu Administrasaun Estatal, ne’ebé implementa husi PNDS
“Programa ne’e hetan apoiu husi parseiru Dezemvolvimentu Australia liu husi servisu Ministériu Administrasaun Estatal ne’ebé impelemta husi programa Nasional Dezemvolvimentu suku,” Reprezentante diretúr PNDS munisípiu Ainaro Abel Bianco,esplika
Abitante Gilberto de Araújo hateten antes ne’e komúnidade Raibere halerik ba bee moos, bainhira atu konsumu bee moos tenki ba kuru iha mota ho uza ba nesesidade
“ Agradese tebes ba governu ida ne’e iha programa liga bee mos mai ami komunidadae Raibere no agora ami bele konsumu bee mos, antes ne’e ami konsumu deit bee mota,” abitante Gilberto de Araújo, hateten
Enkuantu bee moos ne’e kanaliza husi área Ermeg Raibere, ho distansia metru rihun haat
Editor : Lian Orluli
