Ainaro Lian Orluli-13-10-2022- Asidente trafigu ne’ebé akontese iha suku Mulo Aldeia Hautio Postu Administarativu Hato-bulico, hafoin akontese autoridade siguransa liu husi seksaun Investigasaun no Bombeirus Ainaro konsege evakua mate isin nain 6 husi mota Hautekemau lori kedas ba Hospital referal Mubisse tersa feira kalan no iha kuarta feira ne’e autoridade siguransa munisipio Ainaro liu husi seksaun tranjitu Munispiou Ainaro entrega ona mate isin ba familia.
Komandate policia tranjitu Munisipio Ainaro Sarjentu Maritu da Costa Coelho hateten, maske mate isin sira entrega ona ba familia maibe’e prosesu investigasaun ba kazu asidente ne’e nafatin submete ba ministeriu Públiku hodi prosesu kontinu ou taka.
“ Asidente ne’e kauja ema mate, entaun nia prosesu ba iha Ministeriu Públiku ne’e lao nafatin, autus ba dadus ita kompleta identidade ema mate sira ne’e nian no kronologia akontesementu sira ne’e depois ita nafatin lori ba rejistu iha Ministeriu Públiku no komptensia tomak ba iha tribunal maka sei deside atu taka kazu ne’e ká oin sa ne’e desijaun husi tribunal”. Dehan Sarjentu Marito Coelho ba jornalista iha nia knar fatin
Enkuantu matebian nain 6 ne’e 2 husi postu letefoho no 4 husi Hato-bulico, asidente trafigu ne’e akontese bainhira negosiante sira lori sasan dapur no obralan husi Postu Administrativu Hato-builico atu kontinua ba fan iha postu administrativu Jumalain Munisipio Covalima.
Editor: oruli News
