Ainaro Lian Orluli— Bebidas lata hanesan Cocacola, Sankis, Esprite, Delos, inklui Masi-midar folin sa’e iha merkadu Ainaro Inisiu Fulan Janeiru nune’e bazei ba sasan folin sae husi loja iha kapital Dili.
Relasiona ho sasan ho folin sasan ne’ebè dadaun ne’e sa’e, halo kompradòr sira senti triste tanba folin sae derepenti laiha informasaun ruma husi parte autoridade Governu.
“ Hau senti triste oituan ho Sasan sira ho folin sa’e maka’as ho derepenti deit, no sasan folin sa’e mak hanesan, Masi-midar antes ne’e folin $ 35 agora sae ba $ 80.00, Cocacol, Sunkis, Esprite, Delos, antes ne’e folin dolar $8 agora sae ho folin $ 20.00, tanba ne’e hanesan Kompradòr senti triste tebes no hakfodak bahinra kompras sasan folin sae derepent, no ami povu laiha kbi’it atu kompra,” Dehan komparadòr Agusta Magno ba jornalista orluli news iha merkadu-lama sesta (06/01/2023)
Agustina Magno husu ba Governu sira tenki tau atensaun ba loja sira ne’ebe mak fa’an sasan ho folin ne’ebe mak sa’e, derepenti no laiha informasaun.
Iha Fatin hanesan Nain ba loza F.C.N Melsias Soares rekoñese duni sasan folin sae bazei ba sasan folin sae husi Loza iha Dili
“ Sasan folin sae bazeia husi Loza iha kapital Dili , ita hotu hare no akompaiña ona katak sasan iha kapital Dili mos folin ne’ebe mak sa’e , ho nune’e mak ami iha munisipiu mos fa’an sasan ho folin sa’e , no folin hanesan ho kapital Dili nian,’’ dehan Melsias
Enkuantu Orluli news nota iha terenu sasan hanesan masi-midar Cocacola , Sprite, iha Loza Ainaro ho Folin la hanesan babain.
Editor: Orluli News
