Lian Orluli—Ministério Solidariedade Sosiál no Inkluzaun, Munisípiu Ainaro (MSSI), koopera ho kompaña Lu-Sanimar halo ona pagamentu ba benefisiáriu hamutuk 2941 ho total montante orsamentu $146.087,25.
Ba Lian Orluli Diretór Ajente Lu-sanimar, Luis Martins hateten MSSI koopera ho aenjte Lu-sanimar, halo pagamentu ba benefisiáriu jerasaun foun iha Munisípiu Ainaro liu husi ajente TP Telkomcel
“Ami koopera ho MSSI Ainaro liu husi ajente TP Telkomcel halo ona pagamentu ba benefisiáriu jerasaun foun iha munisípiu Ainaro kompostu husi Postu(4) Hato-udu, Hato-bulico, Maubisse inklui Ainaro vila ho total benifisiaru 2941, maneira ne’ebé maka ami uja liu husi ajente TP Telkomcel nian osan sei tranfere ba númeru telefone ne’ebé maka benefisiáriu sira rejistu ba,”Diretúr kompañia Lu-sanimar Luis Martins, hatete iha nia knaar fatin,kinta (18/05/23)
Nain ba Lu-sanimar ne’e hatutan tan total orsamentu jerál ne’ebé hasai ona hodi halo pagamnetu hamutuk be benefisiáriu iha Munisípiu Ainaro hamutuk $146.087,25.
“Benefisiárius 2941 husi posto administrativu Hato-Udo, Hato-Builico, Maubisse inklui Posto Ainaro Vila ho total orsamentu ne’ebé halo ona pagamentu hamutuk $ 146.087.25,ne’e lista jerál nian, no osan ne’e ita sura jerál de’it Munisípiu Ainaro nian, no ita halo paamentu ne’e hahu husi fulan novembru-Dezembru tinann 2022 to mai iha fulan Jaineiru tinan ne’e, no agora ita sei nafatin kontinua halo pagamentu,” nia hatutan
Diretur ne’e mos salienta tan benefisiáriu sira bainhira foti osan iha nia ajente uza oráriu no sira halo mos pagamentu movel, iha suku to Postu,
“ Iha ne’e ita atende benmaibé kada Loron Lu-Sanimar kontinua halo pagamentu ba benefisiáriu sira halo oráriu tiha, maibé haree ba situasaun no kondiasaun entaun ita kria fali pagamnetu movel, ami nia ema maka sei ba atende sira iha suku no postu sira, nune’e benefisiáriu jerasaun foun bele hetan osan iha de’it sira nia suku rasik, la presija sira maka mai to iha ita nia fatin iha Ainaro vila,”nia salienta
Nune’e nain ba Ajente Lu-sanimar Luis rekomenda, benefisiáriu sira ne’ebé rejistu ho númeru Telefone Telkomcel nian labele hamate tanba númeru telefone hanesan konta bankária elektróniku, nune’e kada fulan ajente TP Telkomcel sei tranfere osan direta ba ida-idak nia númeru.
“Rekomendasaun husi ami ajente nian númeru telefone ida ne’ebé maka benefisiáriu MDF rejistu ne’e labele halo lakon tanba númeru telefone ne’e sai hanesan númeru ne’ebé automatikamente, fula-fulan husi TP Telekomcel nasional sira manda osan ba iha númeru telefone ne’ebé maka rejistu ona, nune’e sira bele lori numere nia kode ne’ebé ajente manda ba ona ida númeru telefo hodi mai foti osan iha ne’e,” nia rekomenda
Enkuantu total aplikantes hamutuk 5143, ba aplikantes ne’ebé kompleta ona dokumentus hamutuk 4925, benefisiariu ne’ebé seidauk kompleta 219 , no mos benefisiariu ne’ebé aprova ona 4434,no sedauk aprova hamutuk 660. dadaus sira ne’e Lian Orluli rekolha husi MSSI Ainaro.
Editor : Lian Orluli
