Lían Orluli — Kordenador Rejionál Antonio Perreira de Araújo hateten, dadaun me’e ezekuta ona programa governu foun nian ne’ebé implementa hahu ho idozu sira nia orsamentu ne’ebe sa’e
“Iha mudansa ba pensaun sosial nian kategoria tolu mak hanesan idade iha 60-69 kada fulan sei simu 60$, no idade 70-79 sei simu 80$, no husi idade 80-100 segredu ida ne’e sira sei simu 100$, maibe sira simu kada fulan no mos haree ba sira nia, ATM (Automated Teller Machine, tradusaun lian Inglesh) karik iha sira foti kada fulan, karik sira laiha ATM ne’e kada fulan tolu (3) selu dala ida, tanba agora tama ba 2024 ita ezekuta ona katak Planu programa governu foun programa ne’e implementa ho sira nia orsamentu ne’e sae tanba ne’e selu ba fulan tolu nian deit selu ba fulan ne’en (6), la iha ona no Benefísiariu sira simu ho montante la hanesan iha 60-69 kada fulan tolu sei simu 180$”, dehan Koordenador ne’e.
Bazeia ba sistema, benefisiariu sira tenki kompleta dokumemtu ofisial sira atu nune’e labele difikulta iha prosesu pagementu, tanba sistema koiñese bainhira lista pagamemtu aprovadu ona
“ Tamba agora mudansa sistema moderno tenki uza dukumentos ne’ebe kompletu hanesan sira ne’ebe asessu ne’e signifikan sira nia kukumentus kompletu ona entaun entrega ba sistema simu husi nacional verifika hodi hetan aprovasaun”, nia esplika
Servisu Rejional ne’e afirma, rekerente foun tenki loke konta bankaria admite ba sistema, nune’e osan bele tama iha konta nune’e osan labele lakon
“sira ne’ebe rekere foun ne’e mai loke kedas sira nia konta bankária atu nune’e bele enter ba sistema simu osan ne’e bele tama iha sira nia konta Idosu sira ne’ebe nia dukumentus mak lakon sira nia osa la lakon tanba naran aprovadu ona ne’e sira nia osan tama hela iha sira nia kontak, sira nia direitu la lakon tanba ne’e sira ba trata fali dukumentus halo kompletu ami halo deklarasaun haruka na banku bele selu fali sira nia osan” Nia hakotu
Tuir Kriteria mudansa ba benifisiariu idozu sira iha kategoria tolu, husi idade 60-69 kada fulan $ 60, idade 70-79 kada fulan $ 80 no idade 80-100 kada fulan $ 100 no sei asesu liu husi ATM, BNCTL, BNU, BRI, bainhira kartaun ATM la iha nafatin iha direitu maibe fulan tolu simu dala ida.
ESTJ: Renhy, Nynha
Editor: Lian Orluli
