Lian orluli- 06/06/2022- Komandante Bombeiros munisípiu Ainaro, José Asis Batista rekonhese menus rekursu atu aumenta korpu membrus bombeiros hodi responde situasaun emerjensia.
Ba jornalista lian orluli Komandante Bombeiros Ainaro ne’e hateten, munisípiu Ainaro fatin ne’ebe risku ba desastre naturais, membros bombeiros sira ne’ebe destakadu nivel Munisipio la sufisiente hodi bele atende situasaun dezastre urjente bainhira akontese iha postu administrativu hirak kompostu iha Ainaro nian.
“Total membru korpu Bombeiros Munisipiu Ainaro 27 de’it, ne’e sedauk to’o hodi bele atende situasaun desastre urjenti ruma, no agora dadaun bomberios iha nivel Munisipio de’it, se baihira iha postu sira maka hasoru desastre ahi han uma, ami labele atua ho lais rajaun tamba distansia dok,’’katak komandante José Asis
Tanba ne’e nia dehan, Bombeirus nia misaun importante atu garantia protesaun no seguransa ba sidadaun hotu nia moris no sira nia sasan, Hamate ahi ne’ebe han uma, ailaran, indústria no fo mos asistensia ba asidente rodaviário no hala’o salvamentu iha area ruarais, sidade laran, no fo apoio ba komunidade ne’ebé hasoru desastre naturais presija tebes ekipamentu servisu ne’ebe modernu no kualidade,
“Tanba ne’e rekomenda ba comando atu aumenta membru corpu Bombeiru liu-liu iha nivel Munisipio hodi bele destakadu iha postu sira,’’ nia rekomenda.
Editor : Lian Orluli
