Lian orlulu-29-07-2022- Diretór Operasaun No Manutensaun Btl Empreza Públika João Piedade Braz, sosializa dekretu lei númeru 4/2007, 11 fevereiro ba konsumedor Ainaro, kona-ba utulizasaun kanalizasaun bee mós liu husi kontador ne’ebé instala ona husi ekipa tekniku Btl, ep nian iha Ainaro parte suku mau-ulu no Aldeia Builico suku Ainaro.
Diretór operasaun no manutensaun Btl Empreza Públika João Piedade Braz, liu husi intervista, ho jornalista sira, husu konsumedores iha Ainaro ne’ebé uza bee mós liu husi kontador no direta atu selu taxa ba Estadu.
“Ita mai sosializa bazeia ba lei anterior numeru 4/2004, 11 Fevereiru, koalia kona-ba fahe ba ema hotu, segundu mak ita koalia kona-ba lei numeru 1 tarifaria nian, iha mos lei koalia kona-bá fiskalizasaun ne’e integradu ita tenki esplika didi’ak ba ita nia konsumemodores intende didi’ak liu para ikus kontribui taxa ba Esadu, ho hanoin ida ne’e faze di’ak liu labele duvidas tan iha futuru”. esplika diretór operasaun no manutensaun btl empreza públika joão piedade braz.
Iha fatin hanesan Sekretario Administradór Munisípiu Ainaro josé de Araújo husu ekipa tekniku Btl, Ep atu halo uluk sosializasaun ba komunidade molok aplika selu taxa ba konsumedores sira, atu nune’e bele komprende kona-bá taxa ne’ebé sei seluk husi sidadaun sira.
“Ita presiza senseviliasaun ba komunidade para bele komprende didi’ak ho nune’e sira bele kontribui taxa ba Governu. Btl mós instituisaun Governu nian hotu, entaun tempu to’o ona para kontribui buat balun” , dehan josé de araújo.
Enkuantu total uma kain ne’ebé mak Btl, ep Munisípiu Ainaro instala ona kontador bee nian hamutuk atus resin hahú iha fulan junu tinan 2022, iha área Mau-ulu Suku Mau-ulu no aldeia Builico suku Ainaro, Munisípiu Ainaro.
No ba futuru, Btl, Ep mós sei instala tan kontador rihun resin iha postu Administrativu Ainaro villa.
Aktividade sosializasaun ne’e hala’o iha salaun Administrasaun Munisipal Ainaro villa, perante loron ida.
Edotor : Lian Orluli
