Lian Orluli — Iha fulan Janeiru to’o Abríl tinan 2023, Sentru Juventude Munisípiu Ainaro (C-JMA) rejista juventude feto partisipa iha formasaun edukasaun noun formal aas liu kompara ho mane.
xefe informasaun no publikasaun SJMA, Felisiana de Lima Gusmão
“Iha C-SJMA kada tinan sempre prepara juventude iha formasaun hanesan edukasaun noun formal sira hanesan kursu komputadór no inglés. Maibé iha tinan ne’e partisipasaun juventude sira iha formasaun edukasaun noun formal kuaze feto mak partisipa másimu liu kompara ho mane,” xefe informasaun no publikasaun SJMA, Felisiana de Lima Gusmão, hateten iha nia knar fatin Ainaro, Kinta (11/05).
Nune’e, nia hatutan tan, aleinde formasaun komputer no lingua inglés iha mós treinamentu hanesan Edukasaun Sívika no LGBT ba postu no suku inklui mós harii kursu movel iha suku sira.
“Agora daudaun Sentru Juventude mós kria ona planu atu harii kursu movel ba iha suku no postu sira liga liu ba iha Komputadór atu nune’e juventude sira iha suku no postu bele aprende hodi hasa’e sira nia koñesimentu ba iha komputadór no lian inglés no treinamentu sira hanesan Edukasaun Sívika, LGBT la’o hela iha postu Hatu-Udo nian,” nia hatutan.
Enkuantu C-JMA rejistu joven sira ne’ebé partisipa iha formasaun edukasaun noun formal 76 kompostu husi feto hamutuk 58 no mane 18 no liu husi formasaun ne’e joven barak mak oras ne’e asesu ona servisu iha rental no loja sira.
Editor : Lian Orluli
