Lian Orluli— Konsellu kombatentes Libertasaun Nasionál, CCLN ( Sigla Português) Munisípiu Ainaro distribui sertifikadu apresiasaun ba Komisaun Organijadora no estudante sira ne’ebé responsabiliza eventu komemorasaun loron veteranus Domingu ne’e.
Relasiona ho serfikadu apresiasaun ne’ebe fahe,Secretario ejekutivu CCLNMN Joeder Assa Malic hateten sertifikadu apresiasaun ne’e hanesan rekordasaun ba estudante sira nune’e ba futuru bele ajuda kompleta dokumentu seluk hodi tuir teste PNTL no F-FDTL
“ Ita hatene katak buat ne’ebe valor bo’ot liu husi obrigadu mak sertifikadu tanba ne’e sertifikadu entrega ba estudante sira no oan sira ba partisipasaun, bele sai sira nia rekordasaun ida ba futuru no karik sira iha ona sertifikadu iha ona ba formasaun marsa nian haka’as a’an ba oin para bele ba tes polisia ruma karik hanesan tentara karik sertifikadu ne’e bele ajuda sira iha tempu ruma’’. dehan Scretario Ejekutivu CCLN ne’e hafoin remata distribui sertigikadu apresiasaun domingu horseik, 03/03/2024.
Alende ne’e nia parte agradese ba parte hotu nia kopersaun liliu tanba bele organiza eventu komemorasaun ne’e iha Ainaro lao ho diak“ Primeira parte obrigadu ba Presidente Autoriedade Munisípiu Ainaro (PAM) tanba bele selebra ona eventu kona ba Veteranus nian ida ne’e iha Munisipiu Ainaro”, nia hakotu.
ESTJ: Renhy/Nynha
