Lian Orluli— Conceillo Joventude Munisípiu Ainaro (CJMA) kopera Conseollo Nasional Joventude Timor Leste (CNJTL) Realiza seminariu Munisipal ho tema edukasaun sidadanian mak dalan hodi ema kompriende kona ba diretu no dever Sidadaun nian
Iha seminariu ne’e foka liu ba joventude sira hodi eleva kapsidade iha nivel edukasaun sidadania, nomos edukasaun sívika
“Joventude iha papel estratijiku teb-tebes iha prosesu desenvolvimentu liu-liu atu dudu prosesu desenvolvimentu ne’e, terus, lakon no atinje meta ne’ebé mak ita hakarak hetan, ita hatene iha realidade juventude sira sei hasoru desafio lubuk ida, sira iha desafio dala ruma ita fo kulpa ba sira dehan joventude mak laiha visaun maibe dalaruma mós ita la husu ba ita nia an, ita sira ne’e kontribui ou tulun saida ba sira.” dehan Prezidente CNJTL Maria Dadí iha ambitu semináriu, kuarta feira,(12/06/24)
Prezidente CNJTL ne’e Esperansa boot ba joven sira bainhira koalia kona ba dever, direitu obrigasaun mós tenki lao hanesan, papel tolu ne’ebé hararak enkoraja ba joven sira iha direitu no dever primeiru etika moral, maka sai hanesan sosial kontrola, no atitude.
“Esforsu barak joven sira halo ona, ha’u fiar katak durante alin sira, joven, liu-liu iha mahon CNJTL ne’ebé maka durante ne’e iha poder ita bot sira koko halo rekursu maibé seidauk natoon ne’e maka ita koalia katak hein husi CNJTL ne’ebé mak ita tenki halo, tenki iha mos inisiativa, juventude mos tenki iha motivasaun, iha desijaun rasik mudansa bele akontese wainhira ita halo, atu juventude sira bele partisipa liu-liu oinsa atu muda ita boot sira nia hanoin sira, karik ladun iha informasaun ne’ebé mak nakonu iha konhsimentu.” Nia dehan
Cordenador CJMA Ainaro Aurelianu Valente A.B Magno, husu ba joven ne’ebé partisipa iha seminariu ne’e atu bele kompriende diak husi kontiudu husi seminariu nune’e bele anesan buake ne’ebé bele lori ba futuru
“ Tarjetu ba seminariu ida ohin ba Joven no estudante sira no preoridade liu maka atu bele kompriende diak kuntiudu husi semináriu ida ne’e para atu lori ita boot sira lao iha sosiadade ne’ebé maka los” dehan Cordenador CJMA Ainaro, Aureliano
Cordenador CJMA ne’e hatutan hare ba situasaun ne’ebé maka akontese ba joven sira iha rai laran tanba la aprejenta kultura tradisaun Timor nian
“ Ladun satifas ho maluk joven sira ne’ebé oras ne’e iha rai liur no rai laran iha fatin ne’ebé maka oras ne’e sira horik ba tanba la tuir kultura no tradisaun ne’ebé maka hanesan timor oan”, dehan Kordenador ne’e
Semináriu ne’e iha orador nain tolu, Primeiru husi Joeder Asa Araujo Xavier ho materia Identidade Nasional, Orador daruak husi Cipriano Esteves D.Fereira ho Materia, Diretu no Diversidade Sidadaun nian,Orador datoluk Marcelino Mendonça, ho materia Demokrasia.
Enkuantu Abertura ba seminariu ne’e husi reprejentante Prezidente Autoridae Munispiu Ainaro, Diretor Jestaun Merkado Manuel Ramos, Partisipasaun Masimu husi estudante no Joven sira.
Jornalista : Reny/Carmen/Lucy
Editor : Lian Orluli
