Lian Orluli –— Sentru Lojístika Nasionál (siglá portugés CLN) se’i fa’an fós folin baratu iha Ainaru hodi fasilita komunidade komunidade kbi’ik la’ek sira ne’ebé iha àrea rural
Iha hasoru malu ho autoridade Ainaro, Julmira Nascimento konfesa ona ba autoridade atu halo intervensaun merkadu folin baratu, nune’e tempu besik bele lansa fo’os folin baratu ba vulneravel sira
ne’ebé la asesu ba merkadu
‘’CLN Hala’o kordenasaun ho autoridade munisipiu ko’alia kona-ba intervensaun merkadu ne’ebe se’i hala’o iha munisipiu Ainaro, iha tempu badak fa’an fós baratu ba família vulneravel sira ne’ebé mak hela iha área rurais ne’ebé mak labele asesu mai to’o iha merkadu, tuir planu husi Lojístika Nasionál iha fós 4ribuh sakas, kada Munisipiu 200 toneladas’’ dehan Lojístiku ne’e, hafoin hasoru autoridade sira iha Ainaro segunda ne’e.
Hafoin dirijente CLN ne’e hasoru autoridade ko’alia kona kordenasaun ba asuntu ne’e, Sekretariu Asuntu Sosial no Organizasaun Munisipiu Ainaro Agostinho Sarmento sujere fasilita direta fós baratu ne’e ba to’o suku, tanba iha de’it villa molok vulneravel sira to’o fila-liman sira tau ona iha loja no kioske
“Husu ba sentru nasionál lori fo’os ne’e mai karik tenki lori tun ba iha suku sira atu nune’e família kbi’it la’ek sira ne’ebé mak hela iha area rurais ne’e bele sosa, tanba foin dadaun lori mai fa’an iha munisipiu Ainaro, ema ne’ebé mak hela iha vila laran no mós ema ne’ebé mak loke kios no loja sira mak sosa barak liu, no ema ne’ebé mak hela do’ok molok to’o mai iha fatin fós ema sosa hotu ona’’, Sekrtariu Asuntu Sosial Ainaro ne’e hakotu
Tuir planu Sentru Ljístika Nasionál kada munisipiu se’i koloka fós tonelada atus rua
Enkuantu dau-daun ne’e iha Ainaro folin fós iha merkadu $17.00 dolar amerika.
Jornalsita : Sara lewis
Editor : Lian Orluli
