Lian Orluli, 28 Fevereiru– CMCLN, liu husi komisaun organizadora, ofisialmente hahú ona preparasaun ba komemorasaun aniversáriu ba dala 9 ne’ebé sei hala’o iha loron 3 fulan-marsu.
Xefe komisaun organizadora, iha deklarasaun ba jornalista sira, afirma katak prepara ona atividade oioin hodi selebra no komemora momentu istóriku ne’e. Nia hatete katak komemorasaun tinan ida-ne’e nian sei hala’o ho solene no festivu, ne’ebé envolve veteranu no komundade husi postu haat iha Munisipiu Ainaro
”Atividade sira ne’ebé sei hala’o iha loron 3 fulan-marsu hodi komemora eventu ne’e inklui serimónia omenajen kalan nian, serimónia hasa’e bandeira nasionál, no misa agradesimentu nian”,nia hatete.
Nia esplika liután katak Atividade ne’ebé la’o daudauk ne’e inklui rekolla dadus kona-ba nesesidade lojístika, ekipamentu serimónia nian, atributu ofisiál sira, no koordenasaun ho parte relevante sira hodi garante la’o di’ak ba série eventu tomak.
Komisaun ne’e mós estabelese ona seksaun oioin, inklui sira ne’ebé ba eventu sira, ekipamentu, catering, no seguransa. Komemorasaun Aniversáriu CMCLN ba dala 9 hein katak sei sai hanesan momentu ida atu halo reflesaun ba komunidade iha tinan rua nulu resin lima nia laran, hodi hametin mós espíritu unidade no hamutuk iha komunidade Munisípiu Ainaro .
Nu’une mos sei iha misa agradesimentu ne’ebe sei sai parte importante ida hodi hato’o agradesimentu ba realizasaun no progresu sira ne’ebé hetan ona.
Entretantu, komisaun organizadora afirma nia kompromisu atu prepara eventu ne’e ho maximu. Esforsu koordenasaun hotu hodi hala’o hela no atu asegura katak eventu sira-nia série tomak la’o ho orden, seguru, no ho di’ak.
Komemorasaun loron veteran ba 9 komunidade ho esperansa boot no intusiasmu hodi festeja hamotuk, tanba loron 3 de marsu maka marka ho istoria ne’ebe signifikativu
“Ho Esperasan Ami hein katak komemorasaun loron veteranu tinan ne’e sei diak liu,tanba loron ne’e sai hanesan istoria ba memoria lutan nian hodi liberta rai ida ne’e sia hanesan nasaun RDTL” Marcelino hatete
Komunidade Munisípiu Ainaro mós hein katak bele partisipa ho ativu no servisu hamutuk hodi halo aniversáriu CMCLN ba dala 9 sai susesu nu’udar forma apoiu ba dezenvolvimentu no progresu rejionál.
Jornalista :Odelia De Arauju Orleans
Editor: Clemetina Fatima
