Ainaro Lian Orluli 27-09-2022– Centru Saúde Munisipiu Ainaro (CSMA), regista labarik 3000 kompostu husi suku 7 iha postu Ainaro, seidauk hetan Vasinasaun, Peneomenia cocal Albendazol no vitamina A.
Informasaun ne’e jornalista orluli hetan intervista ho Xefe centru saúde munisípiu Ainaro Arquimeno Orleans de Araújo ho nia ekipa iha segunda feira ne’e hala’o advokasia ba estrutura suku Suru-craic hodi hala’o preparasun kampaiña vasina ba labarik iha fulan outubro tinan 2022 iha suku hamutuk 7 inklui suku suru-craic postu administrativu Ainaro.
Tamba ne’e mak enkontru ho estrutura suku Suru-craic atu sira bele enkoraza fali inan sira atu partisipa iha kampaiña vasina ba labarik tinan 5 mai kraik iha fulan outubro fulan oin.
“Sentru Saúde Ainaro rejistu labarik 3000 ho idade 0-5 anos sedauk vasina peneomenia cocal Albendazol no vitamina A, tamba ne’e ita tau ona iha Planu hodi hala’o preparasaun Dezimina informasaun, Mobiliza no Advokasia ba Estrutura suku 7 iha Posto Ainaro Villa hodi bele partisipa iha kampaiña Vasinasaun ba Labarik sira’’.dehan Xefé SSMA, Arquemenio Orleans de Araújo, segunda (28/09/2022)
Enkuantu tuir dadus Centru Saúde Ainaro labarik ne’ebé ho idade lima mai kraik sei simu vasina iha fulan outubro 2022 hamutuk 3000
Vasina ne’ebé ba labarik sira ho tipu penomena cocal koncuge vaksin inklui distribuisaun albendazol vitamina A.
Jornalista : Sara lewis
Editor : Orluli News
