Lian Orluli— Cruz Vermelha de Timor-leste CVTL, fìlial Ainaro distribui material mak hanesan Kanuru boot, Enxada, no Genbor 36 ba grupo agrikultura rua iha aldeia Aira-kalau, suku Aituto, Posto Administrativo Maubisse
Program Officer CVTL Filial Ainaro Graciano Pereira nia parte hateten distribuisaun material ne’e hanesan kontinuasaun tanba antes ne’e kapasita ona formasaun no dadaun ne’e fahe material hodi fasilita ekipa iha grupu hodi halo servisu kuda modo tanba ne’e kada grupu ida hetan kanuru boot 6 enxada 6 no genbor 6, atu nune’e sira bele halo preparasaun hodi kuda modo
“Objectivu distribuisaun material ne’e hanesan kontinuasaun, tanba antes ne’e fo ona trenamento ba iha grupo rua, komposto husi ema 30 iha aldeia aira-kalau , suku aituto, Material ne’ebe distribui kada grupo ida ho material mak hanesan kanuru boot 6,Enxada 6 no mos Genbor 6, ne’e hamotuk 36 ba iha grupo rua atu nune’e , komunidade agrikukltura sira bele halo preparasaun hodi kuda modo ho diak liu tan’’. ICBRR Program Officer CVTL Filial Ainaro Graciano Pereira dehan hafoin remata distribui material iha aldeia Aira-kalau, Sabado ne’e. 11/11/2023
Alende ne’e, Benefisiáriu Josefina de Araújo Salsina Agradese, ba iha Cruz Vermeilha de Timor-leste CVTL, tanba liu husi apoiu Material agrikultura ba iha grupo sira, bele halo preparasaun di’ak liu tan hodi kuidadu modo ne’ebé kuda, ho nune’e bele hatudu rejultadu diak tan
“Agradese no senti kontenti liu husi CVTL Ainaro, fo apoiu ona material agrikultura nian, ho nune’e bele hakman ami nia servisu liu-liu iha parte kuda modo nian, maibé antes ne’e ami hetan ona trenamento konaba preparasaun rai no mos oinsa atu kuidadu modo, no modo sira ne’e bele fo rejultado ne’ebe diak mai ami’’. Josefina de Araújo Salsina, Agradese
Total material ne’ebe fahe hamutuk 36 kompostu husi mateial kuda modo nian, enkuantu suku tarjeitu ba programa ne’ebe hanesan mak Suku Manelobas no Suku Aituto Posto administrativo Maubisse, Munisipio Ainaro
STJ : Nynha/Marcia
Editor : Lian Orluli
