Lian Orluli–Cruz Vermelha Timor Leste (CVTL) munisipiu Ainaro, kinta (07/07/2022), halo re-estrutura konsellu foun ba mandatu 2022-2026 atu fo kontribuisaun voluntáriu iha komunidade iha baze.
CVTL filial Ainaro eziste ona tinan 10 ho estrutura sesante ne’ebé nomeia husi asembleia nasional ne’ebé hala’o ona servisu lubun ho natureza voluntarizmu ba populasaun munisipiu Ainaro ne’ebe enfrenta dezastre naturais iha tempu udan, ohin realiza serimonia re-estruturasaun hodi kontinua servisu voluntáriu ba komunidade iha baze.
“Ha’u iha vontade di’ak atu bele apoiu ho voluntáriu liu husi CVTL-filial Ainaro atende diak ba komunidade sira ne’ebe presiza, maibé la’os ha’u mesak de’it nafatin koopera di’ak ho maluk voluntário sira atu nune’e bele atende ba komunidade sira iha situasaun ne’ebe sira presija tulun,”. dehan Prezidente Konsellu CVTL filial Ainaro, Aguida Judit Mendonca ba jornalista iha salaun CVTL hafoin remata serimonia re-estrukturasaun.
Nia mos hatutan, servisu voluntráiu iha CVTL la’os de’it atu servisu mesak, maibé sei nafatin koopera ho entidade tomak liu-liu husi parte governu lokal, inklui mos iha nivel nasional atu bele haree ba iha future bele hadia diak liután planu ne’ebe iha ona.
“servisu iha CVTL hanesan Voluntario atu bele dedika ita nia a’n ho voluntariomente atu bele tulun ema seluk, alende ne’e ita mos presija halo mos kooperasaun diak entre instituisaun sira hotu liu-liu iha nivel munisípiu bele mos to iha nasional hodi bele hare ba iha plau sira tuir mai atu bele hadia sai diak liu tan iha future oin mai”. Hatutan prezidente konsello CVTL,’’ katak Aguida
Iha fatin hanesan prezidente Sesante, Ana Maria Pereira reforsa katak servisu voluntáriu iha CVTL ne’e presija atu haree liu iha parte dezastre naturais ne’ebe akontese kobre mos ba iha postu sira hotu.
“servisu CVTL ne’e halao ho voluntario no presija tebes atu bele kontribui ho vontadi diak maibé ho voluntário de’it, no servisu ne’e la’os kobre de’it iha postu Ainaro, maibé tenke kobre mos ba postu 4 ne’e hotu,’’ Prezidente sesante ne’e rekomenda.
Iha eventu re-estruktura konsellu CVTL filiál Ainaro ne’e jornalista lian orluli nota partisipante másimu autoridade lokal munisipio Ainaro, sekretario munisipio José de Araujo, Segundo komandante PNTL Munisípo Ainaro diretores kompostus husi linas Ministeriais no funsionariu voluntario CVTL postu 4.
Editor: lian Orluli
