Ainaro Lian Orluli— Autoridade Protesaun Sivìl Munisípiu Ainaro hahù hala’o ona identifikasaun uma komunidade sira nian hamutuk 17 mak anin sobu.
Segundu Komandante Autoridade Protesaun Sivíl Munisìpiu Ainaro Beny Amaral Carlos De Sousa De Araùjo ba Lian Orluli tersa (03/01/23) rekonese uma komunidade sira nian barak mak hetan estragus iha Postu Ainaro villa no Hato-builico, maibè ekipa Autoridade Protesaun Sivìl husi Dirèsaun Nasionál Risku Dezastre Munisìpiu Ainaro. Tamba ne’e iha segunda (03/01/23) tuun iha terrenu hodi foti dadus no observa uma sanulu resin mak hetan estragus totàl, iha Aldeia Builico Jakarta Dua, ne’ebè mak partensia ba Suku Ainaro no èrea Suku Mau-Ulu balun, ekipa Autoridade Protesaun Sivìl Munisípiu Ainaro seidauk kobre hotu hodi foti dadus tamba atual anin kontinua boot.
Autoridade protesaun sivíl seidauk fó ápoiu emerjensia ruma, tamba foin tuun terenu rekolha dadus.
“ Hahu horseik APC munisipiu Ainro halo dentifikasaun ba uma sira ne’ebè hetan estragus total iha 17 no estragus kaman 12, ne’e dadaus ne’ebè mensiona ne’e dadaus provizòriu ne’ebè ami rekolha hahau husi aldei Builico suku Ainaro no area suku Mau-ulu nian balu,” hateten Segundu Komandante Autoridade Protesaun Sivíl Bene Amaral Carlos De Sousa Araújo.
Dadaun ne’e eskola hamutuk tolu iha Postu Hatobuilico anin sobu, inklui no uma komunidade sira nian iha suku nunumoge postu administrativu hatobuilico balun hetan estragus tamba ne’e autoridade Suku Nunumoge Orienta ona xefe aldeia sira atu identifika vítima sira nia uma hodi alista hela
“Iha Hato-builico em jeràl iha sucu Nunomoge, iha Suku hau nian, anin sobu uma lubun ida maibe’e ami sedauk halo identifikasaun mas hau alerta ona informasaun ba xefe aldei sira, no Xefe aldei sira relata katak uma barak maka hetan estragus total husi anin ne’ebè maka boot,maibe’e se lolos ne’e observa iha terenu maka maka bele hatene uma ne’e dapur ga uma boot hodi hela nian,” esplika xefe suku nunumoge Hilário Da Conceição Barreto.
Nia dehan durante anin bo’ot estraga eskola 3, Eskola ida iha aldeia Tucaro Coiloko foin maka hetan apoiu husi oitavu Govenu, mabe’e anin sobu, no eskola ida husi Taurem, filial husi eskola Lebu nian, alende ne’e Kapela iha Samatalirei Coiloko nian mos hetan estragus hotu.
Jacelina ximenes nudar vítima akontesimentu anin sobu nia uma haktuir ho nia família desidi hela nafatin iha uma laran hodi hein apoio husi governu, maske nia uma anin sobu ona.
“Maske anin sobu hanesan ne’e, maibe’e ami nafatin tuir iha uma laran hodi hein ajudus husi governu, karik baihira Governu hanoin netik nia povu sira ne’ebè afeitadatu ba anin boot iha tina ida ne’e,” dehan Vìtima Jacelina
Tuir observasaun jornalista Lian Orluli iha terrenu nota katak, anin boot iha loron 30 fulan dezembru tinan 2022 ohin loron tinan 2023 nee laos sobu de’it uma komunidade sira nian, maibè sobu edifisiu pùbliku balun hanesan sala de profesores eskola ensinu bàziku Central Ceulaua, no armazen Autoridade Protesaun Sivíl iha Ainaro villa, ai hanehan armazen Ministériu Agrikultura no Peskas.
Editor : orluli news
